برزينتيشن البنات شوفوا إيش اللي صار

[m0o0na]

ياعيني عليك يابنت ابوها الله يسعدك يارب
اقولكم عاد اش صار معاي
في الاول قلنا للمس نبغاه مجموعات قالت نو ووي
المهم حاآولناآ وحاآولناآ وحاآولناآ لكن مفيش فايده
بعدين يوم جا موعد البرزنتيشن كلنا صرنا نصيح لآآآ لآآآ لآآآآآ
قالت اش بكم قلنا محنا مستعدين ولا ندري اش فيه قلنا ينفع نقرآه من الورق
قالت خلاص اش اسويلكم
واحنا عاآد ماصدقنا جلسنا بس نقرأ ولا كأنو شرح ماسكين الورق اما انا سويت عرض عشان ارقع السالفه وكان عن الصداقه بس كان العرض مره حلوو
أما الثاني ابدعت ههه
قالت المس مافي زي اول سامحتكم وماسألت هذي المره حسأل
المهم انا كان موضوعي عن الابداع
وماني عارفه اش اكتب فيه
جلست ادور في النت بالعربي عشان بعدين اترجمه ولما لقيت ع طول في قوقل لصق خخخ
طبعآآ عارفين ترجمة قوقل بس حاولت اعدل بعض الأشياء وفي كلمات صعبه
المهم قلت يابنت سوي بوربوينت عشان اغطي شويه عالفضايح ههه
وبعدين يطلعلي الهرج طوييييييييل وما اقدر اختصر لو اختصرت راح المعنى
المهم طلع يازينه وش حلاته ولما يجي دوري احم احم٠٠
سرت اقرا من البور بصراحه عارفه نفسي لو طالعت في وجه وحده تطالع فيا حفطس ضحك مكاني وتطير المعلومات
المهم وانا قاعده اقرا الشرايح مو راضيه تخلص والكلام اللي فيها طول وعرض
وجالسه استنا يبنت متى اخلص حتى مني راضيه ارفع راسي والبنات يأشروالي يابنت طالعي فينا وانا ماسكه نفسي ولو طالعت كان فرط ضحك(انتو ماشفتو اياديهم وهيا في السمآآ جالسين يأشرون)ههه
و بعد اخر شريحه انصدم بالمس تقولي اش معنى الكلمه هذي ؟ طبعآآ ماقصرت اختارت اصعب الكلمات ومو كلمه وحده ٣ كلمات وانا توهقت
وربي كنت حافظه معناها لكن بعد ماسألتني طارت واتبخرت من راسي
بس وبعدين شكرتني وبعد يومين اعطتنا الدرجات وكانت حلوه مره يعني الثاني درجتو كانت احلى من الاول الله يسعدها مره حبوبه المس هذي
عارفه اني طولت وكتبت سيرة حياتي بس حبيت تعيشوآأ الموقف ههه
<<The end>>