فاتني أختبار الرأي العام...أيش الحل تكفون؟؟

[* الحوووت *]

حبيبي افهمني كويس

انا الترم قبل اللي فاتني نفس الاختبار
اللي سويتو ... رحت الشؤون التعليمية وقلتله راح عليا الاختبار
انتا حتروح حيعطيك ورقه تعبيها وتعطيه هيا وبس ومو لازم لا تقرير طبي ولا شي
مع انو في واحد صاحبي من الادارة والاقتصاد راح عليه الاختبار ومارضي يعطيه ورقه الا بتقرير

المهم جدا ... اذا خلصت من موضوع الورقه واعطيتهم هيا حتكون خلصت من المرحلة الاولى
المرحلة التانية والاهم ... طبعا جدولك مازال في مادة الرأي العام وحيكتبولك جنبها ( dn ) يعني اعادة اختبار
انتا طبعا في الترم الجاي ماتضيف المادة في جدول الترم الجديد لانها موجودة في الترم اللي راح .. ولو اضفتها راح تختبرها مرتين اجباري لانها حتكون في الترم اللي فات بعلامة ( dn ) وفي الترم الجديد بتنتظر الدرجة
ولو لقيت العمادة مثلا اضافتها تحذفها في وقت الحذف والاضافة
المرحلة التالتة ... تشوف موعد اختبار المادة في الترم الجاي ان شاء الله وتروح تختبر وتكتب على ورقة الاختبار اختبار بديل ووقتها تنزل درجة اختبارك في جدول الترم اللي فاتك في الاختبار

اتمنى تكون فهمت ... اتمنى لك التوفيق