رسالة من طالبة خطة ( أ ) لجميع طلاب وطالبات خطة ( ب )

[BeRo0o..]

بسم الله الرحمن الرحيم

الحمد لله على كل شي ومبرووك على الإجازة و إن شاء الله تكون درجاتك ومعدلاتك
حلوة وكل شخص يدخل التخصص اللي يبغاه ويتميز فيه إن شاء الله ..
من أول حبيت إني اشكر كل اللي ساعدوونا وتعبوا معانا من الأستاذات والأساتذة وكل
القائمين على المنتدى من مشرفين ومديرين وحتى الأعضاء لهم كل الشكر والتقدير ..
أنا قريت موضوع وحده من أعضاء المنتدى –الله يعطيها العافية إن شاء الله- كتبت كل
شي عن خطة ب وأنا حاكتب كل شي عن خطة أ من طريقة المذاكرة والأشياء المهمة
واللي تجي كثير في الاختبارات .. وأتمني أن توصل الفائدة للجميع ..
أولا قبل لا أبدا في كل مادة لوحدها باتكلم عن خطة أ بصفة عامة ..
نصيحتي الأولى لا تسمعوا الكلام من المحطمين والمتذمرين .. خطة أ سهلة وليست
صعبة ولله الحمد
حابدا بـ

الرياضيات math: مادة سهلة بس يبغالها مذاكرة أول بأول عشان لما تفهموا كل شي
من البداية حيكون إن شاء الله كل شي سهل في النهاية لأنها تعتمد على الفهم وليس على
الحفظ حتى الفقرة اللي ما فهمتوها اسألوا عنها أول بأول .. كمان غير كدا احضروا
المحاضرات الإضافية اللي يكون فيها حل تمارين الرياضيات وطبعا حلو تمارين الفصل
عشان تكونوا عارفين ايش السؤال اللي واجهكم صعوبة فيه واهم أهم أهم شـــــــي حل
الـ online في وقتو ترى كثير من أسئلة الاختبار تجي منو .. وعلى المادة تقريبا 90%
أخذنا في الثانوي وخاصة ثالث ثانوي المنهج كثير فلازم (( المذاكرة أول بأول )) هو
عبارة عن 4 فصول
الفصل الأول : أساسيات
الفصل الثاني : النهايات
الفصل الثالث : التفاضل
الفصل الرابع : تطبيقات على التفاضل

الفيزياء phys: مادة تعتمد على فهم كل شي واللي تكون أستاذتها ما تشرح كويس من
بدري تدور مدرسه لأنه أسئلة الفيزياء تبين فعلا إذا الطالبات فاهمين ولا لا .. لان
الكتاب تكون مسائلة طويلة ما تجي زيها بس تجي نفس الفكرة بس بطريقة ابسط أهم شي
الفهم الفهم الفهم وان شاء الله إذا شفتو نماذج امتحاننا تفهمون طريقة الأسئلة .. وكثير
يمدحون ملخصات اشرف بركات بس أنا ما ذاكرتها عشان أستاذتنا كانت مره شاطره وما
يحتاج معها ملخصات (( كانت تدرسني أستاذة لبنى سندي الله يعطيها العافية جدا أستاذة
قديرة )) وكمان طبعا ما ننسى الأستاذ على الزهراني انا استفدت من شرحه .. المادة
تتكون من 7 فصول

مهارات اتصال : مـــادة رائــعة ما يحتاج أتكلم فيها لأنها جدا سهلة و إن شاء الله كلكم
تجيبوا فيها a+

حاسب : انصح اللي يمديها تأخذ شهادة ICDL وتعادل المادة يكون أسهل لان الاختبار
يكون المصطلحات بالانقلش بس اللي ما يقدروا ياخذو الشهادة إن شاء الله تكون كمان
سهلة وميسرة زي ما مشيت معانا الحمد لله ..

انقلش مايحتاج طبعاا

سامحوني على الإطالة .. وإن شاء الله أكون أفتدكم وإذا فيه أي خطا اعتذر منكم
ونهبوني عليه
وأي خدمة أنا جاهزة وان شاء الله اقدر أنزلكم كل الأشياء اللي راح تستفيدون منها
أسال الله الأجر والثواب .. وربي يوفقــــــــــــــكم جميعا ويحقق اللي
تتمنوووووووووووو يارب

[غرور فتاه]

يعطيكــ الف عافيه والله استفدت منك

بس ابغى أسألك بالنسبه للرياضيات تنصحيني بأي دكتوره

أنا سمعت بان د.هدى أفندي كويسه إنتي ايش رايك

[BeRo0o..]

المشاركة الأصلية كتبت بواسطة غرور فتاه يعطيكــ الف عافيه والله استفدت منك بس ابغى أسألك بالنسبه للرياضيات تنصحيني بأي دكتوره أنا سمعت بان د.هدى أفندي كويسه إنتي ايش رايك

الله يعافيك .. مااعرفها بس سمعت عنها انا كانت تدرسني استاذة اريج الحربي استاذة مره شاطره
الحمد لله ترى تقريبا كل استاذات الرياضيات كويسين بالمقارنة للفيزياء الاستاذات
الشاطرين قليل بس
انصحك نصحية يعتمد اولا واخيرا على مذاكرتك اول باول وحل التمارين اون لاين ..
وربي يوفقك ان شاء الله .. :-)

[BeRo0o..]

نزلت الاشياء اللي تتعلق بالسنة هذه واتمنى اكون افتدكم ..

رياضيات math: اختبار دوري اول وثاني اللي اختبارنها

فيزياء phys :نماذج للاختبار من المسؤولة عن قسم الفيزياء الاستاذة ثريا باعراقي
( دوري اول وثاني ونهائي )


والاشياء الثانية موجودة في المنتدى (( من حل كتاب tomas Calculus - واسئلة السنة الماضية
والملخصات )) بس حبيت اضيف الشي الجديد

[رزان22]

الله يعطيكي العافيه يارب
كلام مفيد

[BeRo0o..]

المشاركة الأصلية كتبت بواسطة رزان22 الله يعطيكي العافيه يارب كلام مفيد

الله يعافيك ويوفقك يارب

[شموووخ العز]

مشــــــكوررره الله يعــطيـــكــم العـــافيه جميـــعــا..

[جود الجوري]

مشكوره حبيبتي والله يوفقك بخطه ب

[HANOoOF]

مشكـــــــوره .. الله يعطيكِ العافيــــــــــه يارب

[سوار]

جزاك الله خير

وان شاء الله تدرسني استاده لبنى لنو مره خايفه من الفيزياء