صدمـــه قويــــه ،، معقولـــة النــاس اتغيـــــرت ..!!

[,’ لستُ سوى أنـــآ ’,]

والله انا اشوف انك تحطي في بالك زي ما انا حاطه في بالي مافي شئ يضيع عند ربي ..

وانتي مساعداتك لها مو عشانها هي عشان تاخذي فيها اجر .. مع انو انتي يمكن ساعدتيها عشانها صديقتك ولاتقدري ترفضي لها طلب..

شوفي ثقي تماما انو ربي راح يعوضك ولاتزعلي في ناس منجد تقهر ماتعرفك الا لمصلحه بس مو حباً فيك .. وصدقيني راح تلاقي ان شاء الله الصديقه اللي اخت منجد ..

يعني انا الله لايجعل وحده من صديقاتي زي ذي البنت .. عندي وحده من صديقاتي ايام الثنوي مافي بنت ماتجي تاخذ دفترها او اي شئ من عندها واجبات وزي كذا ونفس الحال في الجامعه .. يعني تعااااااارف مصلحه وبس ..

ولمن هي تحتاج شئ مايوقف معاها الا كم بنت بس .. والباااقين كلهم مادروا عنها او يتعاطفوا من غير مايسو شئ ..

بس الوحده ماتعرفيها الا بعد عشره بعد مواااااااقف منجد .. والله موااااااااااااااااقف تبان منجد البنت الطيبه اللي تحبك وبين بنت عاادي ولاكانك شئ بالنسبه لها ..

ولاتستغربي لو لقيتي الطيبه في البنت الغريبه اللي مو قريبه منك مررره ..

ولاتندمي نهائيا على اي خير سويتيه بالعكس خرجتي من علاقتك مع ذي البنت باجرررر ..

في غيرك يطلع من بعض العلاقات بذنوووووووووووووووب ..

وشوفي الصداقه منجد مواقف وماتكون الا بعد عشره يعني انا اللي اعتبرها منجد صديقتي واختي اعرفها من اربع سنين بس متى صارت زي الاخت قبل سنه سنتين يعني بعد عشررره ..

كثير البنات الي نعرفهم بس الصديقات معدودات..

الصداقه منجد ماتكون الا بعد سنه سنتين اقل شئ في نظري .. والناس الي مصالح والله اوقات اي شئ اسوي لهم موعشان سواد عيونهم ابغا اجر وبس ولا ابغا منهم شئ ..

ولاتقولي الم وقهر بالعكس انتي لو شفتي فيلم قدامك نفس حالتك .. تتمني يكون لك اي دور في الفيلم ؟!!

البنت اللي طعنت صحبتها ولا البنت اللي ماقصرت ولا غلطة في حق احد ؟؟!!

في مثل دايم امي تقوله الله يطول بعمرها ( يابخت المظلوم بالجنه )

شوفي بنات الجامعه الوااااااااااااااااااااااااااااااااااااااااااااااا اااااااااااااااان وبجد والله الطالحين اكثر من الصالحين :(

والله ودي اهرج كثير عن الصداقه الايام هذي بس خلاص طولت عليك

سؤال البنت كم لك تعرفيها وقد ايش العلاقه بينكم واصله لدرجة انو تنصدمي فيها ؟

اتمنى بجد كلامي افادك :)