ياخواني انا غبت عن الاختبارايش الحل ؟ افيدوني

[ZIZOO]

المشاركة الأصلية كتبت بواسطة mossad1400 مثل ماقريتو ياخواني بالعنوان انا خربطت في موعد الاختبار وفاتني الاختبار اليوم ايش الحل وايش الطريقة وبعد مافاتني الاختبار رحت للمستشفى واخذت تقرير طبي هل يقبلونه وعلى مين اقدمه ساعدوني الله يوفقكم اذا عندكم حل لاتبخلوا على اخوكم

نفس حالتك صارت لـ بابا صار له نفس الشي راح عليه الاختبار وجاب تقرير طبي وقدمه بس ماعرف وين بالضبط
واختبروه في السمستر التاني

[mossad1400]

المشاركة الأصلية كتبت بواسطة zizoo نفس حالتك صارت لـ بابا صار له نفس الشي راح عليه الاختبار وجاب تقرير طبي وقدمه بس ماعرف وين بالضبط واختبروه في السمستر التاني

مشكور اختي
هل التقرير الطبي الي قدمه ابوك تقرير حكومي او اهلي
اذا ممكن تسألي ابوك الله يخليه لك وتخبريني وتسألية اذا هي المسألة معقده او سهله

[دارس]

الله يعينك اخوي
ان شاءالله يجي احد قد غاب واخذ اختبار بديل ويفيدك

[الــــغــــلا]

الله يكون بعونك وعساها خيره لك ان شاء الله

[ZIZOO]

سوري اخوي تاخرت عليك بالرد انا سالت بابا وقالي انه تقرير طبي حكومي

[ZIZOO]

وبالنسبه للتقرير الحقيقه هوه واحد من معارفنا جابه له

[الهوى غربي]

المشاركة الأصلية كتبت بواسطة mossad1400 مثل ماقريتو ياخواني بالعنوان انا خربطت في موعد الاختبار وفاتني الاختبار اليوم ايش الحل وايش الطريقة وبعد مافاتني الاختبار رحت للمستشفى واخذت تقرير طبي هل يقبلونه وعلى مين اقدمه ساعدوني الله يوفقكم اذا عندكم حل لاتبخلوا على اخوكم

احد الزملاء قبل سنه فاته اختبار ورحنا لمستوصف خاص اخذ منهم تقرير طبي وقدمه للجامعه وتم قبول عذره
طبعا بعد ما يقبل عذرك وتظهر النتائج بتكون نتيجة الماده عندك at وتنعي انه في الترم القادم لازم تضيف الماده وتكتب في ورقة الاجابه اختبار بديل ومهم جدا ان تكتب هذه الملاحظه

طبعا في حال ما قبل العذر لا سمح الله بتكون نتيجة الماده dn وطبعا تأثر على المعدل فحاول بقد ما تقدر تقدم العذر ولا تهمل الموضوع وخلك متابع معاهم

اتمنى لك التوفيق

[feras222]

طيب انت ليه جبت عذر طبي وانت مافيك شي ؟
انت فاتك الاختبار بسبب مواعيد الاختبارات تلخبطت عليك
وان كانت صادق وهذا العذر الصحيح قدمه لهم بسألوب مهذب وخلك صادق بكلامك
ربي وقتها بيعينك لصدقك ويستخر لك واحد يتقبل عذرك

لان عذرك منطقي

[الطالب المنتاز]

يعيال لاحد يفتي من راسه الله يرحم والديك
يبن الناس ترى صار معايه السن الي راحت مثل الي صار معك وتقدر تراجع ملف مواضيعي وتشوف الموضوع
الي نزلته الترم الي راح كنت احسب الاختبار بيوم وقلت خلني اطلع اجرب طريق الهدا -الكرّ- الجديد وانا اتغدى مندي
يحبه قلبك اتصل علي غثيث يكلمني عن الاسئله واكتشفت ان الاختبار راح علي
الشاهد بالموضوع انهم قالوا لي هنا بالمنتدى جيب عذر وجيب مدري ايش وبالاخر طلعت الدعوة اسهل من امها مافيه
الشي الي ماتعرفه ان الاعذار مايطلع عليها الدكتور اصلا ولايدري عنك وعنها
الدعوه يبوالشباب تروح استقبال الكليه الي انت فيها يعطونك استماره تعبيها الماده الي ما اختبرتها وسبب غيابك
واذا تبغى ترفق عذرك الي جبته من المستشفى الاهلي خير وبركه ماعندك عذر اشخط لهم اي عذر بالاستماره
لانه وربي ان الموظف قالها لي بالحرف (اكتب اكتب اي شي ماحد داري عنك بتختبرها الترم الجاي)
وفعلا كتبت اي عذر جبته من راسي مو معقوله اكتب اني غبت عن الاختبار اتغدى مندي
كتبت لهم العذر السعودي المعروف (بنشر علي كفر) وشوفني اختبرتها الترم هذا الحمدلله وكتبت ع الورقه اختبار بديل
يارجال رح بكره استقبال الكليه وسوي نفسك ماتدري عن شيء وقولهم راح علي الااختبار وكذا وراح تشوف كل شي
بنفسك .
المهم انك بأذن الله مختبرها مختبرها الترم الجاي والله لايعوق بشر
اما الي يقولك جب عذر مستشفى حكومى يسسسسسسسسسسسسسسسسسستريح

[mossad1400]

المشاركة الأصلية كتبت بواسطة zizoo سوري اخوي تاخرت عليك بالرد انا سالت بابا وقالي انه تقرير طبي حكومي

مشكور اختي الله يعطيك العافيه وينجحك