مــاده حــره ياعااااااااالم

[U-Go-Girl]

اممم انا عن نفسي اخدت مادتين بالتاريخ ... ومادة بالجغرافيا دا الترم
hist 381 اللي هوا نصوص تاريخية باللغة الانجليزية مرررة حلو مع د. فايزة وتجيبي علامات حلوة!! وكمان تستفيدي انك تتعلمي مصطلحات تاريخية بالانقلش وفي المعمل تاخدي ^^(3 ساعات)

hist 333 الحروب الصليبية مع د. عمر يحي << اعتقد كدا اسمو على ما افتكر.. الصراحة كان حفظ المنهج معاه ولازم تسلمي كل يوم اسايمنت عن المحاضرة اللي قبل وتسوي واحد بور بوينت وتسلمي اخر الترم (3 ساعات)

geo 331 الكورس دا بالانقلش وممكن بالعربي تحلي مو مشكلة..يعني كمان تستفيدي شوية من الانقلش بس في كمان معاه معمل يعني تطبيق على الكمبيوتر.. فاذا انتو من النوع اللي تحبو تشتغلو على الكمبيوتر فحيكون سهل إن شاء الله والدكتور مررة طيب د. خالد الدرندلي يعطيكي تحسين 20!!! يعني يا بلااااش (3 ساعات)

وهذي هيا تجاربي في المواد الحرة
ادعوولي انجح في كل موادي دا الترم واتخرج بسرعة
والله يوفق الجميع