بنات نظم معلومات ساعدوني تكفون ..

[MERoOo]

السلام عليكم ورحمة الله وبركاته ..
بنات نظم معلومات بقسم إدارة الأعمال , ممكن تعطوني خلفية عن طبيعة هالقسم ؟!
عشان الترم الجاي لآزم أحدد المسار ..
كيف مواده ؟! وكم لازم يكون معدلي عشان أقدر أدخله ؟!
وسمعت إني لازم آخذ دورات قبل لآ أدخله , كلامهم صح ولا لأ ؟!
ودراسته تعتمد على الحاسب فقط ؟!
وتنصحوني أدخله ولآ لأ ؟! لأني أفكر أحول محاسبة لأن القسم يقولوا صعب ..
ياليــــــت تردوا علي بأقرب وقت ..
عشان لو طلع صعب ألحق على التحويل قبل لآ يقفل ..

[MERoOo]

up ..

[نوني حمودي]

حبيبي القسم مررررره حلو
والمعدل المطلوب 4.50
واذا ع الصعوبه مافي شي سهل حبيه حيكون زي العسل على قلبك -_*
والافضل انو يكون معاكي شهادة icdl الرخصه الدوليه
بس قبل كل شي انتي كيف في الحاسب شوفي نفسك
وبالتوفيييييق

[MERoOo]

معليش مافهمت عبارة كيف إنتي في الحاسب ؟!
إيش تقصدي فيها ؟!
والله يسعدك تسلمي على الرد ^ ^ "

[نوني حمودي]

يعني كيفك مع الكمبيوتر جيده ولا بس قتح واغلاق ^_^
علشان القسم دا متعلق بالحاسب
ولا تاخذي بكلام الناس انو مره صعب ترى القسم مرررررره حلوووو

[ambitious student]

مرحبا خيتو



اذا ع الاحسن هو النظم طبعا

انا لسه ماحددت مساري زيك بس ان شاء الله افكر ادخله

صدقيني المسار جدا ررائع ودراستو ممتعة واعرف ناس كتير متخرجين منو ومبسوطين

ومن ناحية صعب او سهل هو طبعا مو سهل اصلا مافي قسم سهل بس كمان مو بديك الصعوبة اللي مايقدر الواحد يمشي فيه

والمعدل المطلوب 4.5 حسب اللي سمعتو

ومواده حلوة جزء منها ع الحاسب وجزء منها نظري

انتي لا تشيلي هم من ناحية انو حلو او لا ان شاء الله راح تنبسطي فيه

بس اهم شي تستخيري وكل واحد وميوله اذا انتي عاجبتك المحاسبة حولي

وبالتوفيق للجميع

[MERoOo]

تسلمي يا عسل على كلامك وتشجعيك ..
والله يوفقنا أنا وإياك يارب ^^ "

[وفاء محمد]

هذا للقسم فقط للانتظام مش للانتساب صح؟؟

[.,.نيــــــــــــــــــــران.,.]

^

صح

[الحلوه]

صح ...