ممكن مساعدة

[نورة ...]

مرحبا يا صبايا تم بحمد الله الوصول اليوم لجدة و تفاجأت بجوها الغبره مرررررررة شديده و الحساسية اشتغلت .. بس حابة خدمة من بنات الجامعة انا بكرة رايحه لها و حابة أغير بطاقتي بس ما اعرف فين و هل هو لازم او لا .. و كمان حابه اعرف فين مبنى 420 اللي راح نمتحن فيه عشان ادله و ما اتاخر يوم الأمتحان و كمان فينها مكتبة الكلية معليش طولت عليكم انا ما اعرف الا اول بوابه ندخل منها اتوقع انها قريبه من الروضة او شي زي كده
و جزاكم الله كل خير

[حأقعد عالكاشير]

اول شي اهلا بيكي في جدتنا المزيونه:)

بخصوص البطايق تروحين مبنى الشؤون (13)

ومكان مبنى 420
اذا انتي دخلتي من بوابة غربية 2 اللي قريبة من الحضانة
اول ماتدخلي من البوابة تلفي يمين بعدين تلفي اول لفة يسار وتطوووووووووووولي
الين يقفل معاكي الطريق بمبنى في وجهك حتكوني وصلتي بالسلامة لـ420

وبالنسبة للمكتبة المركزية
نفس طريق 420 بس الفرق انك لمن تلفي يسار حتمشي طوااالي
بعدين اول لفة عاليمين بعدين اول لفة برضو يمين وامشي شويتين حتلاقي المكتبة المركزية على اليسار
ولو مشيت كمان شوية برضو حتلاقي مبنى الشؤون (13) عاليسار برضو
وبالتوفيق