إنتهيت من مذاكرة المحاسبة - الي عنده شيء موفاهمه يدخل

[خلود 26]

جزاك الله خير عالمجهود الي بتعمله

[لومانا]

طيب نرجع للمساله

عشان اعرف انو مقدم او مستحق

اسوي مقارنه بين المدفوع والسنوي ومنو اعرف (صح ولا؟؟)

يعني فقره 4

20000 اصغر من 250000 يعني عندي مستحق

بعدين نطرح

الطرح يكون الكبير ناقص الصغير عشان ماتطلع اشاره سالبه صح؟؟

250000-20000=230000


هاه صح كلامي ولا؟؟
وجزاك الله الف خير

[بكالوريوس]

يارايق البال ياليت تفهمني كيف طريقة الترحيل عجزت افهمها.

[رايق البال]

المشاركة الأصلية كتبت بواسطة لومانا طيب نرجع للمساله عشان اعرف انو مقدم او مستحق اسوي مقارنه بين المدفوع والسنوي ومنو اعرف (صح ولا؟؟) يعني فقره 4 20000 اصغر من 250000 يعني عندي مستحق بعدين نطرح الطرح يكون الكبير ناقص الصغير عشان ماتطلع اشاره سالبه صح؟؟ 250000-20000=230000 هاه صح كلامي ولا؟؟ وجزاك الله الف خير

شوفي اختي تعرفين المقدم والمستحق من صيغة السؤال ( يعني مو شرط الاكبر هو الرصيد او الاصغر هو المستحق )

نرجع لصيغة السؤال

فيما يلي بعض ارصده الحسابات لمستخرجه من ميزان المراجعه لمنشاه العمودي في 30 ذو الحجه (المبالغ بالريالات):
24000 ايجار-28000 مرتبات -5000 ايراد اوراق ماليه- 20000 ايراد عقار

فاذا علمت ان :
1- الايجار السنوي يبلغ 30000 ريال
2- المرتبات الشهريه 2000 ريال
3-ايراد اوراق ماليه شهريه 300 ريال
4- ايراد عقار السنوي يبلغ 250000 ريال

المطلوب :اجراء قيود التسويه اللازمه

أحسن حل انك تشرحين السؤال

عندك عمارة أجرتيها بمبلغ سنوي 250000 وما حصلتي منها في رصيد حساباتك الا 20000 فقط ( اتوقع في صفر ناقص راجعي السؤال )

يعني راح تكون التسوية كالتالي

رصيد حساب ايراد العقار - ايراد العقار السنوي = 20000 - 250000 = - 230000

لا حظي الاشاره طلعت بالسالب يعني مستحق مبلغ 230000 ريال

راجعي المسئله واذا عندك استفسار تفضلي.

[رايق البال]

المشاركة الأصلية كتبت بواسطة بكالوريوس يارايق البال ياليت تفهمني كيف طريقة الترحيل عجزت افهمها.

الترحيل من دفتر اليومية الى دفتر الأستاذ من أسهل الأسئله وسؤال أساسي في الاختبار

طيب طال عمرك

انت مثلا عندك دفتر اليومية التالية

مدين	دائن	البيان	التاريخ
30000	30000	من ح / البنك إلى ح/رأس المال	1/1
4000	4000	من ح / المشتريات إلى ح/ البنك	1/2
5000	5000	من حساب الصندوق الى ح / البنك	1/3
3000	3000	من ح / أجور العمال إلى ح / البنك	1/4

المطلوب دفتر الأستاذ لحساب البنك وفي بعض صيغ الأسئله تصوير حساب البنك

كل الي عليك تسوي عملية عكسيه في الجدول

نرجع لدفتر اليومية اول قيد فيه حساب البنك صح ؟ اذا ناخذ الي عكسه على طول يعني ( البنك من ) اذا ناخذ المبلغ وناخذ الي عكسه الي هو إلى رأس المال ونحطه في خانة المدين لأن البنك مدين

الخانه الثانية لاحظ أن حساب البنك دائن اذا ناخذ الي عكسه على طول ونحط المبلغ ومن حساب المشتريات في خانة الدائن . وهكذا

وفي نهاية الجدول نجمع اجمالي المدينون ومن ثم نطرحه من مجموع مبالغ الدائنون وراح نسجله رصيد منقول وفي خانة الدائنون رصيد مرحل ولازم يطلع في النهايه المجموعين مثل بعض

وهذا الحل
دفتر الأستاذ لحساب البنك

المبلغ	مدين	المبلغ	دائن
30000	الى حساب راس المال	4000	من حساب المشتريات
-	-	5000	من حساب الصندوق
-	-	3000	من حساب اجور العمال
الإجمالي 30000	-	رصيد منقول 18000	-
رصيد مرحل 18000	-	الاجمالي 30000	-

وان شاء الله يكون الشرح واضح

[أبيض قلب]

أخوي رايق البال
الله يعطيك العافيه ما قصرت كفيت ووفيت وبالتوفيق إن شاء الله

[رايق البال]

المشاركة الأصلية كتبت بواسطة أبيض قلب أخوي رايق البال الله يعطيك العافيه ما قصرت كفيت ووفيت وبالتوفيق إن شاء الله

واياك اخوي وأنت قدوتنا يالغالي

[أمير القلوب]

الله يعطيك العافيه على هـ الشروح المميزة
وبسم الله ما شاء الله عليكـ
والله يوفقك

دمت في حفظ الرحمن ،،،

[ملا]

السلام عليكم ورحمة الله وبركاته

اخوي جزاك كل خير على المجهود ومثواك الجنه
اخوي عندي سؤال عن عمليات البضاعة
كيف بتكون الاسئله

[رايق البال]

المشاركة الأصلية كتبت بواسطة ملا السلام عليكم ورحمة الله وبركاته اخوي جزاك كل خير على المجهود ومثواك الجنه اخوي عندي سؤال عن عمليات البضاعة كيف بتكون الاسئله

ان شاء الله اختي بس الحين عندي اختبار بعد ساعات وان شاء الله بعدها ارد عليك

دعوواتكم