أرجو المساعده -- أفضل طرق المذاكره

[فيصل]

السلام عليكم ورحمه الله

يا شباااب يا ليت اللي عنده طرق جيده للمذاكره
أعجز عن فتح كتاب واحد
مع انه اختبارين يوم الخميس القادم لكن اعجز عن فتح اي من المادتين << مسدوده نفسي
يا ليت ما تبخلون علي بمشورتكم
تحياتي

[البيك]

أولا داوم على الصلوات في أوقاتها
ثانيا ادع ربك وخل أهلك يدعون لك
ثالثا اقرا لك كم آية ( ألا بذكر الله تطمئن القلوب )
رابعا خصص أوقات للمذاكرة وأوقات للراحة وأوقات للترفيه
خامسا أشدد على الترفيه لازم تاخذ نصيبك من الترفيه والتسلية بالحلال
سادسا خل عندك هدف مثلا تلخيص الكتاب في بطاقات ملونة
سابعا هناك فكرة الخريطة الذهنية يعني خل المعلومات على شكل رسمة ملونة ( ترى الحاسب يفيد كثير في ذا
ثامنا تحدى مع واحد صاحبك مين يخلص أول
تاسعا ممكن تختار واحد تعطيه الكتاب ويسألك في الموضوعات
عاشرا ضع أسئلة من عندك

وهكذا هذا اللي ربي قدرني عليه
وموفق

[فيصل]

يعطيك العافيه حبيبي

كفيت ووفيت

تحياتي

[حأقعد عالكاشير]

قسم المادة اللي عندك على حسب الفصول او على حسب الدروس

المهم خصص لنفسك ست ساعات مذاكرة فقط في اليوم ولاتخليها ورا بعض

شوف كم جزء قسمت المادة وقدرلو وقت محدد

واقعد في غرفة لوحدك وجيب معاك شيبسات وعصيرات واكل واي شي من اللي يحبو قلبك واقفل الباب

قبل لاتبدأ أي مادة على الاقل اقرأ صفحه وحده من القران ترى ينشطلك الذاكرة وتذاكر بسرعه

حأعطيك مثال اذا مافهمت الطريقه

انا الحين مثلا عندي محاسبة متوسطة
المادة كلها 8 ابواب
شفت انو الباب يطول معي فقسمت الثمانية ابواب على يومين كل يوم اربعه
في اليوم الاول خصصت للفصل الاول ساعة الا ربع في الصباح
والفصل الثاني حطيتلو ساعة ونص بعد صلاة الظهر
الفصل الثالث ساعه بس بعد العصر
الفصل الرايع نص ساعه فقط بعد المغرب

كلها على بعض اربع ساعات الا ربع
اهم شي في الموضوع لاتخليها ورى بعض عشان لاتطفش وكافئ نفسك بشي تحبو كل ماخلصت فصل
وقدرلك وقت للباب تشوفو مناسب ممكن اكثر بس مو اقل
وشوف انت هل خلصت الباب في الوقت المحدد ترى تتحمس مررره لمن تشوف نفسك خلصت قبل الوقت اللي انت مححدو

وطبعا ماحأقولك ابدأ بالباب الاصعب
ابدأ باسهل باب عشان تتحمس شويا وبعدين الباب الاصعب مرررة
وبعدين الاسهل وبعدين الاصعب


ان شاء الله افدتك ترى انا احب هذي الطريقة مرررره تريحني وتحسسني اني
حطيت خطه وانجزتها

وربي يسهلك

[شواطئ البحر]

بعد صلاة الفجر للغاية الساعة 10 تقدر تذاكر أشياء كثيرة بالمنهج
بخلاف الأوقات الثانية
أللي ابغى أوضحلك هو ان في الفترة الصباح تقدر تنجز أكثثثثثثثثثثثثثثثثثثثثثثثثثثثثثثثثر من أي وقت

يالله باقيلك يوم واحد لاتفوت بكرة فترة الصباح

بالتوفيق