الطريقة الأفضل لمذاكرة بنك الأحياء (( مجربة

[bint aboha]

السلام عليكم ورحمه الله وبركاته

ياأخ فهد كلام ف قمه الفائده صح بدنك بس المشكله إن الوقت قصير ف الإختبارات أنا كيف طريقتي

ف المذاكره أول تست ذاكرته مترجم وجبت ... والثاني ذاكرته مترجم كمان بس من دون ماأقراه

بالعربي يعني كنت اقرأ الإنجليزي بس والكلمات الغريبه كنت أقرأ ترجمتها والحمد لله جبت نفس

الدرجه حق الإختبار الأول مع إني متأكده من حلي بس الله يعينا والله يوفق الجميع يارب ويسهل ع

تقبل مروري

[bint aboha]

المشاركة الأصلية كتبت بواسطة m0o0na مشكوور.. انا سويت هالطريقه وجربت نفسي وجلست اسبوع كامل بس اذاكر احياء عشان ابغى اجيب درجة حلوة لان الاول كان مرة واطي وفي النهايه,,, v v v اخذت نص الدرجه بالله عليكم هذا مو ظلم ولما كلمت الدكتورة ابغى اراجع ورقتي قالت طيب بس اصلا الاختبار الاول راجعنا كل الدرجات وكانت الدرجات زي ما هيا ,,,وبعد كذا ما شفت وجهها مدري وين ذلفت هالحرمة الله يعينني بس ادعولي اجيب درجه كامله في الفاينال... موفقيييييين ..

حبييتي مونا أنا زيك قلت للدكتوره المحترمه أبغى ورقتي عشان أشوف أخطائي قالت طيب أشري

ع إسمك وأنا أجيبها إن شاء الله الموضوع صار له يمكن أسبوع قلتلها أنا أبغى الأول كمان قالت

لأ ماأقدر تبغين الثاني كان بها قلت طيب نعمه شكلك معايا ف الفرع صح الله يوفق الجميع

وإلى الأن أروح المكتب ماألقاها سحبت ع الحرمه الله يسامحها بس

مراد الجنيد <<< ماتغيرت أنا قلت راح أشوف ردود حلوه منك بس الله يهديك والله يوفقك من دون زعل طبعا

[غرور فتاه]

مشكور ويعطيك العافيه راح اجرب ما اترجم لاول مرآ في هذا الاختبار وراح اشوف النتيجه

فعلاً افكار حلوه

الله يوفقك

[غرور فتاه]

المشاركة الأصلية كتبت بواسطة مراد الجنيد انت سألتني على طريقتي امكن ماتنجح بس معايا فهي 100% بتنجح كل يوم احفظ 5 اسئلة توصل الامتحان وتحل زي الفل او انك قبل الاختبار بيومين تحفظ كل الاسئلة بس دي الطريقة للاحياء فقط لانه اغلبها حفظ ممكن 80% يعني مايصير في الكيمياء تحفظ امثلة فهمت علي اذا انت منت مرتاح لطرقي فالافضل انك تذاكر بطريقتك بس هي ناجحة معي كل شخص عنده كيفية في المذاكرة وانا في مذاكرة الاحياء احفظ الشيتات زي اسمي الحلو وبالتوفيق لك

فعلاً اخ مراد هذي الطريقه الصحيحه في المذاكره وبالنسبه ليآ أتبع نفس طريقتك الأولى يعني قبل الاختبارات بأسبوعين بدأت أحفظ كل يوم صفحتين او تلاته بس مو حفظ يعني احفظها وافهمها واترجمها لأنها كلها صفحتين وتخلصها بساعة زمن وبعض الاحيان افتح الكتاب واذاكر منه والحمدلله لين الحين انا في +a من دي الطريقه<<<هذا لما كان التست بانك تقريبا50 صفحه وكنا فاضيين ’’
أما في الوقت الحالي والتست بانك في حدود 350 صفحه ما تنفع طريقه اني افصفص كل سؤال وافهمه واترجمه فأفضل طريقه أشوفها هيآ الربط بين السؤال والاجابه والحفظ العمياني بسرعه من دون فهم سؤال ولا فلسفه زياده اللي كنت اعملها انا ,,

[مراد الجنيد]

^^^^^^^
ايوة اختي بس انتوا غلطتكم انكم ماحفظتوا تست بانك 1و2 عدل عشان كدا بترجعولوا وتحفظوا من جديد اذا كنتوا ذاكرتوها عدل كنتوا الان بس بتذاكروا البنك 3 عالعموم اسعدني مرورك غرور فتاة

[m0o0na]

الله يعيينا يابنت ابوها
والله اني مرة خايفه ما اجيب درجه في الفاينال واروح وطي ..خخخ<<قاعده اضحك كمان..
ايوا انا في الفرع بس ما قلتيلي انتي مع اي دكتورة ؟؟اذا مع كوثر فانتي معاي..
ما اقول غير حسبي الله على كل من يوقف في طريقنا ويحاول ينقصنا باي طريقه
الله يوفقك ويوفقني معاك والجميع ان شاء الله
دعواتكم الحلوه ليا بالنجاح في الاحياء ودخول التخصص اللي ابغاه..
بالتوفييييق للجمييييع..

[DANoOo.R]

أخوي فهد بن عبد الله طريقتك جداً رائعه وكثير أعرفهم بيستخدموا نفس الطريقه يعطيك العافيه
أخوي مراد الجنيد حتى طريقتك حلوه بس يبغالها وقت وجهد
وبالنسبه للتست بانك الغير مترجم أفضل من المترجم لأنه أنا جبت درجه واطيه لما ترجمت التست بانك وندمت بصراحه
وغير كذا أخوي مراد وكل اللي ردوا على الموضوع أنا أشوف أنه ماتفرق إذا الواحد كان بيحفظ أو بيفهم لأنه هذا كله بيعتمد على الماده اللي أنا بذاكراها يعني مثلاً إذا كان عندي رياضيات لازم أفهم المسأله مو أحفظها أما إذا كان عندي أحياء لازم أحفظ وأقدر أستخدم الفهم للربط زي ماقال الأخ فهد بس راح يكون الحفظ هوا الأساس فالماده هي اللي بتحدد الطريقه اللي راح أذاكر فيها سواءً كانت حفظ أو فهم

غير كده أنا في الأحياء والكم الهائل من الأسئله الموجوده في التست بانك ماتنفع معاي ولا طريقه فـ أتجه مباشرة للقراءة بسبب أنه مافي وقت للحفظ أو الربط ممكن أنه الأخ فهد والأخ مراد يفيدوني في هذي المشكله

أسفه على الإطاله وتقبلوا مروري

DANoOo.R

[مراد الجنيد]

^^^^^^
الحل انك تحفظي كل يوم سؤال حفظ زي اسمك صح يبغالها جهد بس مافي شي يجي بالسهل لازم تتعبي عشان تتخصصي في الي تحبيه او اذا كان عندك مقدرة على الحفظ السريع يكون افضلفلازم ترتبي وقتك وتحفظيلك كل يوم كم سؤال اما اذا غير كدا فلاتزعلي اذا جبتي درجة واطية امكن الطب مو مجالك لانه اذا الحفظ كان صعب بالنسبالك فايش بتسوي بعدين فيمواد صعبو مرة زي الاناتومي والهيستولوجي والبايوكميستري في كل دي المواد بتربطي ماينفع اتمنالك التوفيق اختي وان شالله ندخل انا وانتي وكل من يريد الطب باذن الله

[arooja]

ana kman jrbt de al6reegh oo jbt koways fe al exam

[DANoOo.R]

أخوي مراد انا ماقلت أنه الحفظ صعب بالنسبه لي بس في الوقت الحالي انا جالسه أذاكر الإحصاء واختبار الأحياء يوم السبت وما في مجال إني أحفظ 3 تست بانك وكل واحد فيه أكثر من 200 سؤال و3 بارتات في يومين عشان كده أبغى طريقه أسهل أذاكر فيها الأحياء وأجيب درجه حلوة في الفاينل وصح كلامك مافي شي مايتعب اللي يبغى النجاح لازم يتعب على نفسه..
ومشكور أخوي مراد على مرورك الرائع وإن شاء الله كلنا ندخل طب وكل واحد يتخصص اللي يبغاه

DANoOo.R