اللي أخذوا مادة مع الدكتورة غادة

[أحبني أموت فيني]

السلام عليكم

عندي سؤال عن دكتورة غادة أنا أخذ معاها مادة موارد بشرية بالانجليزي
سؤالي هي من النوع اللي ترفع بالدرجات تساعد ؟؟؟؟؟؟؟؟؟؟؟؟؟

انا حضرت كل المحاضرات الحمد لله وحليت كل واجباتها كاملة ..
بس بصراحة الاختبارات ماحليييييييييييييييييت نهاااااااائي
صارت لي ظروف قبل الاختبارات حسبي الله ونعم الوكيل
مررررررررره متضايقة وربي خرجت من الاختبار أبكي
يعني لازم الاختبار النهائي أجيب الدرجة الكاملة وكمان تزودني درجات عشان انجح بـ 60
شفتوا كيف الوضع صعب

أبغى أعرف هي تساعد ؟؟
بنات قالوا ايوه تعطي درجات للي يحضر المحاضرات كلها
لأن يهمها الحضور وبنات قالوا العكسسسسسسس ماتزود درجات مره خايفة

بالله اللي أخذوا مع الدكتورة من قبل جابوني الله يرضى عليكم
والله خايفة أرسب يارب اعدي من هالمادة

وعندي كمان سؤال:
اللي يكونوا غايبين وتختبرهم بعدين الأسئلة كيف تكون ؟؟
نفس طريقة الأسئلة دايم ؟؟


بحفظ الرحمن

[أحبني أموت فيني]

معقولة ماأحد أخذ مع الدكتورة غادة

[مرجوجة هانم]

اهلين ياعسل الدكتورة غادة تعطي بونس بس بشرط مايكون عندك ولا غياب لها ..
غير كذا الله يعينك ذاكري كويس ماتزود تراها ..
شوفي اذا في عندكم اختصارات بالمادة ذاكريها لانها تجيب سؤال عليه 10 درجات كله اختصارات وربي يوفقك

[Little lady]

السلام عليكم

أنا يا عزيزتي أخدت ادارة أعمال معاها

و حضرت كل المحاضرات على أساس انها قالت حترفع من تقدير لتقدير ( لاحظي مو درجه و لا
اتنين ) و الله كنت اجي و انا ماعندي غيرها و ايام اكون تعبانه وفي الأخير و لا رفعت و لا شي

بس انا افتكر اللي درجاتهم مررره نازلة في نهاية الترم ادتهم واجبات يعملوها قوليلها امكن نسيت

وربنا معاكي ..

[أحبني أموت فيني]

المشاركة الأصلية كتبت بواسطة مرجوجة هانم اهلين ياعسل الدكتورة غادة تعطي بونس بس بشرط مايكون عندك ولا غياب لها .. غير كذا الله يعينك ذاكري كويس ماتزود تراها .. شوفي اذا في عندكم اختصارات بالمادة ذاكريها لانها تجيب سؤال عليه 10 درجات كله اختصارات وربي يوفقك

الله يسعدك عالرد

ايوه أنا ماغبت ولا غياب الحمد لله يعني إن شاء الله على كلامك تعطيني بونس يارب
والاختبار النهائي حيكون اختيارات ومصطلحات إنت تكتبيها
الله يسهل علينا يارب ويارب انجح والله شايل هم مررررررررره

والله يوفقك .

[أحبني أموت فيني]

المشاركة الأصلية كتبت بواسطة little lady السلام عليكم أنا يا عزيزتي أخدت ادارة أعمال معاها و حضرت كل المحاضرات على أساس انها قالت حترفع من تقدير لتقدير ( لاحظي مو درجه و لا اتنين ) و الله كنت اجي و انا ماعندي غيرها و ايام اكون تعبانه وفي الأخير و لا رفعت و لا شي بس انا افتكر اللي درجاتهم مررره نازلة في نهاية الترم ادتهم واجبات يعملوها قوليلها امكن نسيت وربنا معاكي ..

الله يسعدك عالرد
والله قلنا لها عالواجب عصبت علينا ماأدري اش بها تغيرت مره

[أحبني أموت فيني]

ياليت لو أحد عنده إضافة يقول لنا


لو في طالبة عندها ايميل الدكتورة؟؟

[ambitious student]

الله يوفقك ياقلبي وان شاء الله ربي يسهلك وتعدي المادة ع خير

ياريت كان قدرت اساعدك بس ماعندي فكرة

[أحبني أموت فيني]

المشاركة الأصلية كتبت بواسطة ambitious student الله يوفقك ياقلبي وان شاء الله ربي يسهلك وتعدي المادة ع خير ياريت كان قدرت اساعدك بس ماعندي فكرة

الله يوفقك عالرد وإن شاء الله اعدي من هالماااااااااااااااادة