وأخيرا شرفت حلقة التقوى بالسلامة ( تجمع فتيات حلقة التقوى)

[حأقعد عالكاشير]

السلااااام عليكم ورحمة الله وبركاته

كالعادة وقت انزال الدرجات فإلى هناك .... :)

HANOoOF:
لأول مرة وان شاء الله آخر مرة (9 من 10) لكن مازلتي مجدة وممتازة ربي يحميكي :)

الكبير كبير:
ماشاء الله سمعت الجزئية السابقة وتبع الاسبوع هذا كمان
بالنسبة للأسبوع اللي فات (10 من 10)
والأسبوع هذا(9 ونص من 10)

ربي يحفظك واستمري على هذا المستوى

Account Lady: اخذت برضو المرة هذي ( 9 وثلاث ارباع من 10)
جميلة الدرجة ولكن نتمنى الكمال والكمال لله :)

سمو الروح ونونو كاتي:
بالنسبة لذا الاسبوع نونو كاتي (10 من 10)
وسمو الروح كمان (10 من 10)

والاسبوع اللي فات تم تعديل الدرجات لكم <<اذا اغلاطكم بس تنبيهات
انتو الاثنين حتاخذوا (10 من 10)

مااااشاء الله عليكم مرة سعيدة انو علاماتكم كاملة ان شاء الله داايما تفرحوني كذا:)

خوخة وبنت الناس: فينكم حبايبي ان شاء الله كويسين وتكونوا بخير
في رصيد خوخة صفحة باقيلها 4 صفحات
وبنت الناس باقيلها 3 صفحات
أنتظركم :)

كوكتيل انوثة ومني يغار الورد: انتظر نتايجكم تحطوها هنا ياعسلز:)

روح حواء: اتمنى تسمعي حتى لو عندك ظروف اتحديها وخليكي قدها وسمعي :)
انتظرك..


حبايبي في حاجتين بأقولها :
الاول: انو احنا ان شاء الله حنخلص حفظ الجزء الاول الاسبوع الجاي وانا سعيدة لهمتكم معايا
وحيكون بعدها اسبوعين مراجعه للجزء (يعني اربعة لقاءات) لهدفين اولهم ابغى ننتقل للجزء الثاني واحنا حافظين الجزء الاول زي اسمنا ان شاااء الله
والثاني عشان يكون نوع من التخفيف عليكم ايام الاختبارات لانو المراجعه اسهل واسرع من الحفظ..


وبعد المراجعه حأطلع أشطر ثلاثة في الحلقة واكثرهن انتظاما في التسميع :)
وزي ما قلتلكم من اول حيكون في جوائز للثلاثة الحلوين هذول

وحيبقى بعدها اسبوعين (اجازة مؤقتة) حانزلكم فيها بدايات دروس التجويد وحاولوا تطبقوها وانتوا تراجعوا عشان تستفيدوا منها إن شاء الله ..

وعلى بداية الترم الثاني حتكون انطلاقتنا لحفظ الجزء الثاني ان ربي احيانا ان شاء الله

والثاني: الله يسعدكم البنات اللي يسمعوا لبعض او في احد يسمعلهم
ابغاهم يسوا جدول فيه(اليوم .. ايات التسميع .. عدد الصفحات .. اغلاط الكلمة .. اغلاط الحرف .. اغلاط الحرف .. التنبيه )
ولمن تجوا تحطو نتايج تسميعكم تقولوا لي مثلا
اليوم الاثنين ايات التسميع من 77 الى 105 .. 5 صفحات .. غلطتين في الكلمة .. ولاغلطة في الحروف .. غلطة في الحركة .. 8 تنبيهات ) وهكذا في كل لقاء
عارفة حاتعبكم بس عشان يكون في عدل بينكم اوكي :)


اااااااااااا ونسيت اقولكم على نهاية الاسبوع الجاي ومع انزال النتايج حأحط اسماء البنات اللي حيتلغوا من الحلقة
لانو احنا نحتاج التزام وصدق مع انفسنا ورغبة صادقة من دواخلنا عشان نستمر في الحفظ الين مانختم ونحتفل مع بعض على انجازنا ونشكر ربنا عليه :)


دعواتكم حبايبي وربي يوفقكم جميعا :)