ابي موعد التسجيل للفصل الثاني

[mash3al]

السلام عليكم كيف الحال جميعا ان شاء الله تمام


اختكم عضوة جديده بينكم ومحتاجه مساعدتكم

عندي سؤال متى موعد التقديم للفصل الدراسي الثاني ؟؟؟؟؟
واللي يعافيكم انتظر اجابتكم ,,,,

وجزاكم الله خير,,,,

[polite boy]

وانا بعد نفس السؤال
لان زميلي في العمل يبي يسجل وكل يوم والثاني يسالني
فيالليت اللي عنده خبر يفيدنا

[العلم والعالم]

لا يوجد تقديم للفصل الثاني

[mash3al]

افا والله وش ذا الخبر مافي تقديم للفصل الثاني!!!!!!!

طيب اللي الظروف ماساعدتها بالتقديم للفصل الاول والحين التسجيل تهيأ لها وش تسوي بنفسها!!!!!!

لا ياجماعه بليز ابي احد يساعدني واللي يعافيكم ويرحم والدينكم......

[طموحي اتعب جموحي]

صباح الخير...للجميع

انا صديقي يشتغل في خدمه المجتمع بجامعه الملك عبدالعزيز
وسالته نفس السؤال
ورد علي وقال نظام الجامعة في التسجيل هو مرة واحده في السنة
لكن هالسنة ولكثرة الطلب على نظام الانتساب فكرت الجامعة
انها تفتح باب القبول في الفصل الثاني... لكن بسبب الامطار
والسيول ولأن عماده تقنية المعلومات انطمرت بكاملها لانها
في البدروم ... والظاهر ماعندهم وقت او نية لفتح باب القبول
للفصل الثاني لهذه السنة ... !
لكن لكل من سأل احب اقول له يتابع فترة التسجيل في بداية السنة
القادمة ويحاول يخلص كل امور التسجيل بدري لانه فيه فرز أول
في نصف المده المسموحه للتسجيل وهذه الفترة يكون فيها القبول
لجميع الشهادات بغض النظر عن سنة التخرج ... ولكن الفرز
الثاني يشترط ان تكون الشهاده بعد 1423 هـ

اتمنى لكم التوفيق