اللي عندها مدخل إحصاء نفسي مع الأستاذة مها سرور,, لوسمحتوا تتفضل

[أم خالد2010]

المشاركة الأصلية كتبت بواسطة جـــداويـــــه انا حضرت الدوره كااااامله وزي ماقالو الاخوات طريقه الاساله صح وغلط زاوجي مصطلحات فراغات ومسأل طبعا الماده حلوه وسهله والله .. غير كذا قالت ايش المهم ياليت تاشري معايا صفحه 27 كلها معانا لانو زي منتي عارفه في اساله عن النظري كثير فلازم نحفظ .. صفحه 19 هذي المساله افهميها معانا 20 اخر الصفحه وعلينا عند كتابه الجدول .... مع الـ 5 التعدادات 22 تمثيل توزيع البيانات بالرسم اقري الكلام الي مكتوب كلو مهم جدا حيجي منو عللي الي بعد مكتوب المضلع التكراري اكتبي جمبو يعتمد ع منتصف الفئه المدرج التكراي اكتبي يعتمد ع الحدود الحقيقيه المنحنى التكراري اكتبي يعتمد ع منتصف الفئه 25 المدرج التكراي اقراي طريقه الرسم الثلاثه باقي الصفحات ماتكلمت عنها شي يعني مهي معانا هذا بالنسبه للي معانا بالفصل الاول الفصل الثاني 37 ماهو المتوسط الحسابي الين الاخير يعني الصفحه كلها 38 كمان كل الصفحه 39 برضو كلها وكمان 40 كل الصفحه من 40 الي 44 قالت محذوف هذا الكلام قالتو لوحده يوم ماراحتلها بساعاتها المكتبيه 45 تعرفو اي معني الوسيط مع المساله بصفحه 47 طبعا لازم تفهمو جميع القوانين وتطمنو هيا راح تجيبيها بس هذا مايمنع انكم تتطلعو عليها عشان تعرفو تميزو بينهم 53 بس تعريف المنوال مع المساله واخر الصفحه الطريقه التقريبيه اقراو الكلام 55 كل الصفحه .. باقي الفصل ماتكلمت عنو الفصل الثالث 65 و66 و67 كلو معانا 68 لازم نعرف طرق حساب نصف المدى الربيعي مع مسالها 72 تعريف الانحراف المعياري مهم 78 حساب الانحراف ..... 4 كلها 83 التباين كلو معانا مع المثال .. رقم 5 لا طبعا كل فقره من الي قلتها مع مسالتها لازم الفصل الرابع 91 و92 و93 كلها معانا ..95 رقم 2 السطرين الاولى فقط 96 يجب ان نلاحظ مايلي ... مع الثلاثه كلها والمثال مهم 98 المثال معانا الفصل الخامس فقط الصفحه الاولى كلها والباقي محذوف الفصل السااااااااااااااااااااااااااابع معانا وقالت هذا الفصل يخص النظري ومهم وعرضتو بالمحاضرات ع الشرائح131 نهايه الصفحه تعريف الاحصاء الي الظاهره 132 الاغراض معانا 1 من البدايه الي وفهمها 2 من البدايه الي منه 3 و4 كلها 139 الحاجه الي الاحصاء الوصفي ... كلهم السته 140 وهدف الطالب ... السته كلها 143 تصنيف المقاييس من البدايه الي واسباب تغيرها الفقره الاخيره من فالمتغير الي الصفحه الي بعدها جميع الافراد 144 من وعندما الي المتغير التابع مهمه هذي الفقره 145 يهمنا الان تعريف المصطلحات ... كل المصطلحات الثلاثه بتعريفاتها معانا ..اخر سطر لا 146 المتغير المضبوظ من هو الي التجربه المتغير العارض او الدخيل كللللو بكذا يكون خلصنا وهذا الي قلتو كلو اشرتو معاها وركزت عليه .. لااحد يقول الفصل السابع مو معانا والله معانا وركزت عليه وخلتنا ناشر معاها وشرحتو ع العرض باخر محاضره في الدوره اتمنالكم من كل قلبي التوفيق .. لاتحرموني من دعواتكم

اختي جدواية جزاك الله كل خير بس حضرت الدورة الين اخريوم مع الدكتورة مهاوماشرحت الفصل السابع متى شرحته موتكذيب لكي لاسمح الله بس شرحته في نفس وقت المحاضرة ولابعدهاانتي اي شعبة اختك ام خالد

[أم خالد2010]

كل اللي مأشر عندكي بالضبط عندي ماعدالفصل الخامس والسابع بعدين كيف الفصل السابع معانا وهوالمقررستةفصول الاولى موحلوكذانتخلبط اختك ام خالد

[عبيرنجد]

موفقين جميعا يارب

[أم وفي]

الله يجزاك كل خير

ويدخلك الجنة بغير حساب

[جـــداويـــــه]

والله بديت اشك بنفسي ..؟؟
والله ياجماعه اني حضرت المحاضره الاخيره وكانت تعرض الشرائح الي فيها الكلام النظري صح ماقالت انو دا الكلام بالفصل السابع
قالت موجود بالكتاب وبس لاكن نحنا ونحنا ندور لقينا كل الي بالشرائح بالضبظ في الفصل السابع بدون اي زياده او نقصان

ويااخت ام خالد هوا صح المقرر سته فصول لاكنها حذفت السادس وخلت السابع معانا لانو كل الفصول تعتمد ع المسأل
مافي كثير نظري فخلت السابع معانا عشان تعرف تكتب اساله بين النظري والمسأل وقالت السادس محذوف
عموما حابين تذاكروه فهو مهم وتكلمت عنو وهذا شي مو من عندي مو حابين شي يرجعلكم .. وربي يوفقكم يااارب

[أم خالد2010]

المشاركة الأصلية كتبت بواسطة جـــداويـــــه والله بديت اشك بنفسي ..؟؟ والله ياجماعه اني حضرت المحاضره الاخيره وكانت تعرض الشرائح الي فيها الكلام النظري صح ماقالت انو دا الكلام بالفصل السابع قالت موجود بالكتاب وبس لاكن نحنا ونحنا ندور لقينا كل الي بالشرائح بالضبظ في الفصل السابع بدون اي زياده او نقصان ويااخت ام خالد هوا صح المقرر سته فصول لاكنها حذفت السادس وخلت السابع معانا لانو كل الفصول تعتمد ع المسأل مافي كثير نظري فخلت السابع معانا عشان تعرف تكتب اساله بين النظري والمسأل وقالت السادس محذوف عموما حابين تذاكروه فهو مهم وتكلمت عنو وهذا شي مو من عندي مو حابين شي يرجعلكم .. وربي يوفقكم يااارب

اختي جدواية الحين فهمت صح عرضت الشرائح وكان مكتوب كلام دورت في الكتاب الفصل الخامس اوالسادس مالقيت شي قلت بعد المحاضرة اكتب منهاعرض الشرائح بس نسيت وطلعتحصل خير اختي السموحة منك لاتزعلي

[ميرال93]

فعلا الدكتوره مها سرور شرحة لنا الفصل السابع وقالت داخل معانا .. لانه جزء نظري مهم حسب كلامها .

[صمت البووووح]

الحمد لله ان الاخت جداوية نزلت كل شى ان قلت كذا في البداية بس ماحد صدق وانا بنفسي سالتها عن الفصل السابع وقلت له في بنات ماحضروا الدورة وعارفين انه الستة الفصول الاولى فقط قالت هذا اساسيات بالاحصاء ولازم تاخذوها وعلى فكرة ماراح تجيب عرفي حتجيب التعريف والمصطلح وانتي تضعي المصطلح بمكانه المناسب يعني افهمي التعريف زين والله يوفقكم جميعا

[جـــداويـــــه]

ام خالد لاعيوني مازعلت بس من جد شكيت لانو مافي احد تكلم غيري عن هاالفصل
بس الحمد الله الله يسعدهم ميرال وصمت البوح قطعو الشك باليقين يعني ذاكررررروه لاتنسوه
والي ماعندها خبر ياليت تقولها .. والله يكتبلنا التوفيق والنجاااح يارب

[بخة عطر]

مشكوره اخت جداويه الله يجزاكي الف خير

والله استفتدت من موضوعك الله ينجحك وينجحني وينجح كل البنات