افتتاح موقع بالقصيم للاختبارات للسنة التحضيرية

[العلم والعالم]

تم إضافة فرع القصيم لموقع التسجيل

[عمـر]

عندي سؤالين مهمين الله يجزاكم خير :

س1 : أين يقع معهد العالميه بالقصيم ...؟ أريد التوصيف الدقيق علماً أني أعرف القصيم أو بالأصح بريدة شارع شارع .

س2 : أنا سجلت عبر موقع إختبار المناطق أول مافُتح المجال وكنت أنذاك سجلت بالرياض يومها كان أقرب مكان لي , والآن أريد الدخول لكي أبدل المكان ولاكن الرقم السري ( ضاع للأسف ) ولاأعرف كيف أسترده أو بالأصح لايوجد أيقونة تدل على إسترداد كلمة السر .. أفيدوني مأجورين ..



أنا بالإنتضار .

[كــــ الغلا ـــل]

هلا اخوي عمر , اكيد انك نعرف بريده شارع شارع , طيب حبيبي قلبي اسمع . نقووول ان اكيد تعرف بنده الي بطريق الملك عبد العزيز حلووووو ونت جاي من الشمال داخل بريده يعني بتجاه الجنوب بالعربي جاي من حايل طيب كم اشاره وتجيك بنده على يدك اليسار واضح طيب بعد بنده مباشره اشاره ونت واقف عند الاشاره ومحل ميد تشوفه مقابلك على اليمين , طيب شركة lg يسارك وش باقي ياربي اذا فتحت الاشارة حرك وخذ يسار انتبه تقطع الاشاره يعني رح من الاشاره يسار , يجيك يمين عماره كبيره بيضاء اول محل فيها محل الالعاب اطفال كبيييييييير مدري وش اسمه وجنبه هرفي بنفس العماره هذي هو معهد العالميه بس يفتح اتجاه الشرق شفه واضح له 55 درجه الله يعينك ونت طالع .... ودعواتي لكو للبقيه بدوام التوفيق اظن الشرح وافي واي استفسار عن بريده او اي خدمه لك وولزملاء من خارج بريده انا على اتم الاستعداد بدون ان يتعنا احد من بعيد اخوكم ..

كل الغلا

[عمـر]

يابعد قلبي ياكل الغلا عز الله إن إجابتك شايفة وكافيه وبيض الله وجهك .. تم العثو على الموقع ..

وبالنسبه للسؤال الثاني أخوي عندك علم عنه ..؟

[متفائل رغم الاسى]

بلتوفيق الله يوفق طلاب التحضيري

[ابو غـــلا]

اخوي عمر باالنسبه لسؤالك الثاني

رح لمقر المعهد وقل لهم انا ابغى اسجل عندكم في الاختبارات وراح يفهمونك الطريقه

انا مثلك بالبدايه سجلت في مدينة الرياض لكن لما رحت لمهم سجلوني عادي وماسألو عن الرقم السري

اهم شي يبعدي دفع الدراهم اذا انك مادفعت رح للمعهد وسجل ومارح يسالونك عن الرقم السري

وسلالالالالالالالالالالالالالام ياصاحبي