الله يقطعك يامهارات التفكير انت والاتصال , جبتولي المرض

[شفق]

السلام عليكم ورحمة الله

ياأخواني وياأحبابي وياكل حاجة طيبة

يعني الهدف حقي في هذا الترم إني اجيب معدل فوق الثلاثة لكن الله يستر اني مااطبلها

اعترف اني بليد ومن يومي معتمد على البراشيم بس الى متى والواحد يغش

واليوم عندي اربعة مواد والتكتيك حقي يقول

الاحصاء : شختك بختك على قولهم

الانجليزي : شختك بختك بقووووه

لكن مهارات التفكير والاتصال , يعني اخليهم زي الاحصاء والانجليزي والله قهر والمشكله ماني عارف كيف اذاكرهم ومو معقولة احفظهم طيب ايش اسوي , ابطل واسحب من الجامعة وتروح الثلاثة الآف شقى العمر

بعد هذه المقدمة البائسة اتمنى منكم احبتي تجاوبوني

بربكم كيف اذاكرهم ؟

مع صادق تمنياتي لكم بالتوفيق في الدنيا والأخرة

والسلام عليكم ورحمة الله وبركاته

[ملكــــه]

مثل ماكلنا نذاكرهم,.ْ~!

وعشان ماتروح ال3000 على الفاضي

لازم تجتهدْ~ عندك الملخصات وعندك نماذج الاسئله ولو ماتعرف للإنجليزي ولا الاحصاء جب لك مدرس)) مثلي
ولو كل واحد مو حافظ قال بنسحب كان الجامعات فضت من الطلابْ~
بالتـوفيق للجمــيـ ‘ع,,

[MUSAEID]

انا سمعت ان مهارات التفكير والاتصال هي الي عليها الكلام في رفع المعدل وفي ناس في الجامعة نصحون على التركيز على هذه المواد لكن مانترك او انتهاون في ترك الانجليزي والاحصاء

[new girl]

آآآآآآآآآآآآآآمين يارب
قسمن بالله انا مثلك جابت لي مرض ذا التفكير
مااقول غير الله يعينا
اتمنى احد يرد مشان نستفيد

[فتو..]

هههههههههه وربي ونستني كنت طفشااانه من المذاكرة وشايفه موضوعك واقول لا لا ما يستاهل اني ادخل

اسمع مني انا حالي من حالك حلوووو

بقولك انا وش سويت وانت اذا حاب اعمل مثلي يمكن تطلع بنتيجه حلوة

اول شئ ختمت التفكير قعدت يمكن تقريبآ اسبوع يعني ع اقل من مهلي كنت امسك الكتاب بعد الساعه 12 ليل لان هذا الوقت انا اكون في قمة تركيزي واسوي براد شاهي ونعناع واقفل الباب وياويل احد يدخل عندي الغرفه

وع فكرة كنت ماعرف اذاكر غير في غرفه المجلس يعني لو اروح في اي مكان في البيت مقدر اذاكر ليش مدري

المهم وختمت التفكير ومسكت الاتصال طبعآ سهل مرررررررررة خلصته في يومين وكمان كنت ادلع فيه يعني كان اقدر اخلصه في يوم واحد بس قلت مابغى اضغط ع نفسي

والاحصاء قلت لمن يبدا السنترا مع الاستاذة والحمدلله الحين ماشي معي الاحصاء

باقي الانجليزي بروح عند مدرسه او مدرس






وفي الاخير راح اطلع راسبه ههههههههههه

يعني زي ماقلت في البدايه حالي من حالك

[Ashwaq~]

والله انا زيكم اصلا مااحب احفظ عندي اهم شي الفهم الحفظ ميييييييييييييييييييييييح

والله محتاسه وحتى لو ذاكرت بعد يوم انسى كل شي :"(

[تمنيت ولا تهنيت]

سوي اللي عليك وخلي امورك كلها على الله وتذكر ان الله لا يضيع تعبا" لمجد ومجتهد ..دائما علق املك بالله

تحيااااتي لك

تمنيت ولا تهنيت

[Abadi Alharbi]

وعليكم السلام ورحمة الله وبركاته

ياحلوين توكلوا على الله فمن توكل عليه فهو حسبه .

سهلوا الأمور على أنفسكم ولا تصعبونها وراح يمشي الحال

من واقع تجربه .

أول مانزلت المواد وشفت كتاب الإحصاء معاهم تكدرت وكرهت الدراسه

عندي عقده من مواد الرياضيات ، لكن بعد قراءة الكتاب وحل التمارين في الكتاب

لقيت الماده سهلة بنسبة 85% ، ممكن البابين الأخيرة السابع و الثامن ما أقول

صعبه للغاية بس يبيلها تركيز أكثر .

اللي فرق معاي حل التمارين ساعدتني كثير للغايه ، يعني وش تتوقعون من واحد مايعرف

جذر تربيعي أو بالأصح ماعمره مسك آله حاسبه >> لا تفهمون غلط مو غبي مره

أقصد آله حاسبه مطورة ومع ذلك بسؤال الأخوان والأخوات والمعارف فهمنا .



مهارات الإتصال و مهارات التفكير قرأت كل منهج في 3 أيام مع شوية تركيز

مايبيلها فلسفه ، مر على الكتاب قراءة مرتين ثلاث أربع راح تمشي في الإختبار .


الـــ إنجليزي بالنسبه لي أسهل ماده ،،،،

وعاد الله يعينكم الإختبارات على الأبواب

اللي مو فاهم الله يعينه على المدرسين الخصوصييين .


أعذروني على إطالتي و ثقالتي ،،، بالتوفيق للجميع

[أدونيس]

ليش كل هالتحطيم ؟!
والله المذاكرة ماتستاهل مره تتنكد لهالدرجه ..
انا بدأت من اسبوع وماشاء الله ماشيه تماما التمام ومع كذا اخرج واشبع نوم وعندي وقت فراغ

اهم شيء خصص وقت للمذاكره .. وكل يوم تنجز مجموعة من الاشياء ..
بالنسبة للانجلش ساعدني كثير هالموضوع
&& ترجمه إستثنائيه للوحدة الرابعه من كتاب الإنجليزي 101 &&

واما الاحصاء تراه حلو وسهل اللهم يحتاج لو شوية تركيز .. حاول تحضر المحاضرات وبعدها ترجع البيت تثبت المعلومات .. اذا عجزت من شرح الاستاذ في اعضاء هنا بالفسم ماشاء الله يقدمون شروح لكل باب في الاحصاء بالتسجيل الصوتي .. وجداً رااااااائعه وواضحه ..
وانا في بعض المسائل ما استوعبتها من الاستاذ لكن مع شرح الاخوة الكرام , الحمد الله الدنيا ماشيه تمااام التمام

عاد مادة التفكير والاتصال ما تحتاج حفظ ولا يحزنون اللهم فهم والسلام لان نمط اسئلة الاختبار فيها صح وخطأ واختيارات , بس هاد مش مبرر لتهشم المادة وتذاكرها قبل الاختبار بيومين !

وانصحك انك في اليوم تدرس من كذا مادة .. ابدا من الحين , تاخذ فيه وقتك لتستوعب وتفهم بالراحه

والله يوفق الجميع

[شفق]

المشاركة الأصلية كتبت بواسطة ملكــــه مثل ماكلنا نذاكرهم,.ْ~! وعشان ماتروح ال3000 على الفاضي لازم تجتهدْ~ عندك الملخصات وعندك نماذج الاسئله ولو ماتعرف للإنجليزي ولا الاحصاء جب لك مدرس)) مثلي ولو كل واحد مو حافظ قال بنسحب كان الجامعات فضت من الطلابْ~ بالتـوفيق للجمــيـ ‘ع,,

شكرا لك وان شاء الله تجيبي معدل 4,55