اللي تخصصه إنجليزي شوركم تكفووون الله لايهينكم

[ام حمدان]

ايوه ممكن بس بحاول اشرحلك اكثر

شوف الحين انت باقيلك هالترم في التحضيري
والترم الجاي بتتخصص كذا اوكي

طيب انت الحين لك رغبه بالانقلش لكن خلفيتك فيه مثل ماانت قلت زيرو

لكن على فرض انك مصر عليه وماتبغى تتخصص بشي غيره

قدامك حل واحد
اذا حبيت خلاص من الحين تختار انجليزي اوكي بس المهم انك ماتدرس اي ماده من مواده لانك للحين ماتقويت فالانقلش هذا هو قصدي

وطبعاً كل التخصصات الي بكلية الاداب فيه لها مواد تسمى مواد عامه مشتركه بين جميع التخصصات يعني مطلوب منك تدرسها سواء كنت بالانقلش ولا بأي تخصص غيره

فأنت بتكون إن شاء الله مسجل بأي معهد يعلمك اساسيات الانقلش طوال مدة الترم الجاي والاجازه تبع الصيف وبنفس الوقت بتكون اخترت هالمواد الي اضفتها لجدولك بدون ماتآخذ اي ماده من التخصص الي انت اخترته سواء الانقلش او غيره
بس تدرس ثقافه اسلاميه ولغة عربيه ومبادئ اداره عامه
والترم الاول من السنه الجايه يجي بأذن الله وانت خلاص تقويت في اللغة +تخلصت من دراسة 3 مواد من المواد الي مطلوب منك دراستها
وخلاص تبدأ تدرس مواد التخصص تبع الانقلش
اتمنى اكون وضحت لك الصوره

طبعاً هذا المشوره كلها ماراح تنفذها الي في حال رغبتك الحقيقيه في دراسة الانقلش
عموماً انت استخير واسشير كذا شخص وشوف وش الانسب لك

عندك مثلاً رأي الاخت نص دافوره جداً جميل ممكن تآخذ به في حال ماانقبلت فالانقلش او حتى درسته وماحبيته

نصيحتي لك كانت على اساس انك راغب فعلاً في دراسة التخصص
وحابه انبهك ان حكاية ممكن تتخصص او لا يعتمد على المعدل الي طالبينه منكم في قسم الانقلش ودرجاتك بالانجليزي 101 و102 اسال الشباب عنها لان معاييرنا يالبنات تختلف عن معاييركم

نصيحه اخيره دام انك مازلت تحضيري انصحك تشد حيلك وتحاول تحصل على اعلى معدل قدر الامكان لان مواد السنه التحضيريه اسهل مواد بتمر عليك وعشان مايتأثر معدلك كثير لو نقص لاسمح الله بسبب مواد التخصص سواء كنت انقلش ولا غيره


اعتذر عالاطاله

والله ولي التوفيق