موضــــوع حسّـــــــاس .. لـلمناقشــــة

[سوار العسل]

المشاركة الأصلية كتبت بواسطة !!توصي شيء!! طبعاً إحنا ما نبي نناقـــش كيف نقلل من هذه الظـــاهــــرة .. لأننـــا إحنـــا فروع ولسنـــــــا أصــــــــــول ..

و عليكم السلام و رحمة الله و بركاته

و ليه ما نناقش هذا بعد ، أول شرط من شروط الزواج رضا الزوجين و ليس رضا العائلتين ، أبسط حقوقك إنك تختارين الإنسان اللي بتقضين معاه بقية حياتك . فيه قصة الصحابية اللي راحت للرسول عليه الصلاة و السلام تشتكي أبوها إنه بيزوجها من رجل لا تريده فنادى الرسول عليه الصلاة و السلام والدها و خيّرها قالت يا رسول الله إني رضيت باختيار والدي بس إنه الأب ليس له من الأمر شيء (درسنا هالحديث في ثقافة ثالث ) بصراحة أمرنا عجيب نحن السعوديون لا سوينا زي المسلمين و لا سوينا زي الكفار ، أعرف بنات كثير كذا للأسف ، بنات جارنا كلهم تزوجوا كذا محجوزة من يوم ما انولدت هههههه و بعدين حتى لو بيصير شيء يقول الأب أنا اعطيت الرجال كلمة و مستحيل أرجع فيها ، كمان وهم صغار يزوجونهم أتذكر كنت محزنة ع البنت عمرها 16 أمي تقول لي عندهم في عاداتهم تراها عانس .

ولكن كيف نتصـــــرف (لو قدر الله مرّ علينا كذا) ..؟ تعرفون هـ الموضوع يهدم البنت وحياتها .. ؟ ما اتخيـــل نفســــي في موقف كـــذاااا .. لأنه هــذا قمــــة المـــوـوـوـوت .. أنـــا مريــــت بمـوـوـوقف شبيه إلى حــــدٍ ما لـ هذا الشيء .. وللأســـــف من جـــــــــــــد إحســـاس مو طبيعـــــــي .. ما عـــرـرـرفت اشكي لـ مين .. لأنــي في هـ المواضيع ما أتكلم أبداااااا والحمدلله قـــدرت استـــرجع قوـوـوتي اللي فقدتها بسبب هـ الشيء .. بس حسيـــت إنـــي تحطـــمت بطرـرـريقة غيـــر .. الحمدلله ما نقصت شيء .. وعايشه أحســـن حيــــاه .. بس ..!! صـــــــرت أمشـي في إتجـــاهـ ثاني .. تدرون إيـــــــــــه ..؟! صـــرت أحط الدراسة في بالي .. وإني لازم أوصـــل للدكتوـوـوراه .. مع إنها ما كانت في بالي أبداً .. وفكـــرت في الإبتعاااث .. مع إنـــي ما أقدر أعيـــش بعيـــد عن أمــــــــي .. بس ما أبي أفكر بـ الزواج عشـــان لا أكون في موـوـوقف كـــذاااا ..

مرة اكتئب إذا سمعت قصص زي كذا ، تصرفك هو الصح ، الوحدة المفروض ما تعلق آمالها على رجل بكرة يطلقها و إلا يعلقها و إن مات ماتت هي معاه ،ما تأمن بوائق الدهر و الأهل لا سمح الله ماهم متواجدين طيلة الحياة ، فالحل هو إنه تكمل تعليمها ، تتوظف ، تكون مستقلة بذاتها و لا تنتظر شفقة رجل إن شاء أكرمها و إن لم يشأ على كيفه .

آسفة ع الإطالة ، وشكرًا