استفسار عن مواد للمستوى الرابع علم اجتماع

[ابو ديما]

اسعد الله اوقاتكم بكل خير
اخواني انا مستوى رابع وعندي المواد التي نزلت في الجدول ابي افاده من اي شخص مستوى خامس درس هذه المواد افادتي عن المواد السهله التي استطيع فيها رفع المعدل

لغة انجليزية 2 )آداب واقتصاد(
علم النفس الاجتماعي
مناهج البحث الاجتماعي
النظريات الاجتماعية
علم الاجتماع الحضري
علم الاجتماع الاقتصادي
بالنسبه للانجليزي ابحذفه ابي ماده من المستوى الخامس سهله انزلها بدل الانجليزي

شاكرا لكم التعاون
دمتم بكل خير

[هان100]

اهلين اخوي ابو ديما

اول شي بالنسبه للانجليزي توفيق من رب العالمين اذا كانت اللغه كويسه معك بتكون سهله الماده يعني المذاكره اذا انت ما تدري وش الطبخه ما تفيدك
علم النفس الاجتماعي : ماده سهله ان شاء الله هي مو سهله مره يعني غثيثه شوي يبي لك قبل لا تذاكر تكون فللللل النوم عندك والمزاج رايق وتأكد بعد المذاكره بتقول مدري وش الطبخه بس اذا جيت في الامتحان بتبدع اهم شي ذاكر من الكتاب

مناهج البحث الاجتماعي ماده رايقه تعرفك كيف طرق البحث وكيف تسوي بحث ركز على انواع البحث اللي هي الاستبيان والملاحظه والباقي منها وان شاء الله انها سهله

النظريات الاجتماعيه : اقولك ايها على بلاطه ماااااااااااااده عله اذا قالو عله يعني يبي لك تركز لان كلها عالم ووش قال بنظريته عن الاجتماع الماده شوي صعبه


علم الاجتماع الحضري حليو قرأه مرتين بتركيز عااااااااااااالي جدا ان شاء الله بيسهل عليك لا تخاف

علم الاجتماع الاقتصادي معي الترم هذا ان شاء الله واذا ذاكرته بقولك اتمنى اني افدتك اخوي ابو ديما

انا بالخدمه ابو ديما

[هان100]

الماده اللي انصحك تاخذها وهي سهله ان شاء الله مدخل الرعايه والخدمه الاجتماعيه اسحبها من المستوى السادس

[ابو مريم]

انا مع اخوي في ماقال ولكن بالنسبه لمادة علم النفس الاجتماعي انا اقوولك اذا عند اسماعيل دمنهوري والله صعبه ودكتورها شوي مصعب الماده
بالنسبه للنظريات والحضري انا معااك في هذي المواااد وذكرني برساله على الخاص بعد الدوره وانا مااقصر معاااك

[ابو ديما]

مشكورين ويعطيكم الف عافيه ومانستغني عنكم