بنات أ.أمجاد & أ. سيدة (e)<<<تعالو نوروني الله يسعدكم

[ماروكو الصغيرة]

السلام عليكم ورحمة الله وبركاته



كيفكم ياحلوين ؟؟؟ إن شاء الله تمام

وكل عام وانتو بخير <<<بدري

الموضوع وما فيه اني غبت يوم السبت والأحد

وحابة أعرف ازا احد حضر ولا لأ ؟

واللي حضرت تقولي اش اخدو ؟ وكيف نسبة الغياب ؟ والبرزنتيشن؟ والكويزات ؟ ووووو... إلخ

يعني كل شي بالتفصيل الموميل

لأني ناوية احضر بوكرا بإزن الله وما أبغى شي يفوتني

بلييز ردو عليا أو ارفعو الموضوع عالأقل وبلاش تنطيش

والله يوفق كل من رد على موضوعي

تحياتي

[ماروكو الصغيرة]

ياهووووه ... ياعاااااالم ... يانااااااس

ردو عليا

[ماروكو الصغيرة]

فينكم ؟

عالأقل ارفعو الموضوع

[يسرى فلمبان]

حبيبتي انا زيي زيك ما حضرت بس اللي اعرفوا انو نسبة الغياب كتيرة
وكمان بالنسبة للبريسنتيشن لازم نسلموا بالكتير الاسبوع الجاي عشان الـ 10 درجات
والدرافت برضو
وعاد الله يعينك على الدوام الدنيا كلها طين
وعلى فكرة في تحضير ترا
ومو راضيين يتساهلوا
وبس اتمنى اني فدتك

[غــــــلأ]

انا دومت اليوم بس مافي بنات كتير بس في تحضيييييييير

[fofoo49]

انا مثلك انا مستوى الثالث وامجاد وسيده عنبر هم يدرسوني وكمان ماحضرت يوم السبت والاحد

[ماروكو الصغيرة]

أهلين حبيبتي يسرى

أجل شكلي بكرة حاداوم وانا ما أشوف الدرب خخخخ

وبعدين اش قلة الأدب دي ليش ياخدو حضور وغياب ؟؟؟

يعني كاننا غايبين كدا عبط

والله لو جا السيل محد بينفعنا منهم

أمرنا لله

[ماروكو الصغيرة]

fofoo

بكرة حتحضري ولا كيف ؟؟؟

نصيحة لوجه الله احضري عشان لا يفوتك دروس كتير

واش سويتي في البرزنتيشن ؟؟؟