اللي راح اليوم بليييييييييييز يقول

[بنت جداوية]

كيفكم ايش اخباركم
انا اليوم رحت الجامعة الساعة وحدة ونص الجامعة صح فيها طين بس المباني الحمدلله نظيفة .
المهم ادخل في الهرجة رحت قالولي الامن انو مافي محاضرات للانتساب بعدين رجعت بيتي .
بعدين على الساعة 4 دقت عليا وحده وقالتلي في محاضرات اليوم رحت لبست بسرعة ورحت الجامعة وسالت كلية الاقتصاد والادارة قالولي في محاضرات قلتلها انو الامن كنت بادخل قالولي مافي محاضرات قالتلي هما قصدهم السنة التحضيرية خطة ب تعليم عن بعد اما الباقين المستويات الاعلى يحضروا عادي .
المهم بعدين فاتت المحاضرة حقت الساعة 3 والحمدلله لحقت المحاضرات الباقية والحمدلله كلها كانت في مبنى 420 .
صح انو البنات يعتبروا قليل بس الحمدلله انو حضرنا كل المحاضرات وبكرا ان شاءالله حيزيد عدد البنات.
واهم شيء اتعلمتو انو مره ما اسمع من اي بنت لازم اتاكد بنفسي لانو ياكثر الشاعات اللي طلعت
مع تحياتي

[الوترالحزين]

انا رحت اليوم يا أخواتي .. والوضع جدا عادي وفية محاظرات
صح الحضور قليل بس هذا مااعاق الإستاذات من أداء واجبهم ..
فياليت تدوموا بدل ماتضيعوا على انفسكم المحاظرات..

[سم افعى]

ان شاءالله يارب بس المشكله هيا مو نزول امطار انا من الصبح وبتجيني رسايل على الجوال انو بحيرة راح تنفجر مع اني كونت مقرره بس خوفت والله والين الساعه عشره وهيا الرسايل بتجيني من الاتصالات ومو عارفه كيف اتجننت

[R2010]

غريبة احنا ما حد ارسلنا ان البحيرة بتنفجر الله يستر

[شَ ـقآوهٍـ]

انا راحت وقالو مافي دوام بس في محاضرات بس كان الوضع مايطمن وطلعت

[moon99]

يابنات انا اليوم رحت والوضع عادي مافي اي مشاكل حتى الطين اللي يقولو عنو مره عادي تروحي
وترجعي وانت نظيفه
والله لاتضيعو على نفسكم محاضرات اتوكلو على الله وروحو
الاستاده قالت اليوم انو لو كان بس الموجودين خمس طالبات حانعطي محاضره
الوضع جدا عادي

[ريماس الحب]

يابناااااااات
وربي انا دوامت امس السبت الوضع عادي اخذنا محاضرات
بس البسوا جزم الله يكرمكم لان الارض فيها طين ومويات عاديه
ولاتخافو مايصيبنا الا ماكتب الله لنا

[hadi992]

مني فاهمكم يعني في دوام للمنتسبين عايدي
ولا في تشديد شويه عليهم
أرجو التوضيح