اللي داومو اليوم كيف الاوضاع

[وفاء]

راح أتكلم عن شطر الطالبات
أمس للساعة 3 وأنا أنتظر وأشوف فيه دوام ولا لأ وكيف الأوضاع
وكنت شايلة هم بالذات لما قالوا المدير يقول مافي it، وفيه ناس يقولوا أقاربهم قالوا لهم مبنى الشؤون طاح وغيره كمان.
ورحت اليوم
ترى والله والله والله كللللللللللللله تهويييييل
عادي وطبيعي زي أيام ما كنا في المدرسة
نزلت مطرة طبيعي تكون الأرصفة والممرات فيها موية وطين الله يكرمكم
المباني بتتنظف والعاملات بيسووا شغلهم
رابيس شغالة
وفيه أستاذات ودكتورات داوموا وحيدرّسوا بالقلم على السبورة زي زمان
ترى والله مو شغلة دوفرة زايدة ولا شي ، بس لازم نفكر إن الكل محكوم بمنهج ولازم يعطيه طالما الظروف تسمح ، إنتوا كمان لاتجوا بكعوب ولبس العيد وعبايات الزواجات .. إنتوا عارفين ظروف الجو ، واليوم لا صار إخلاء ولا شي ، والله الناس من نفسها لما نزلت المطرة الساعة 12 راحوا على بيوتهم ، وأنا ما أنكر ، كلمت السواق يجي ينتظر عند الباب.
العميدة بذاتها شفتها جات وكثير من موظفاتها.
وبالنسبة للطريق إحنا ساكنين في الشمال ورحت من الخط السريع والطريق عاااااااادي بس الزحمة تبدأ من عند مخرج 14 حق شارع فلسطين بس الخط ماشي.
لاااااااااااااا تسمعوا كلام الناس المهولة ، ما أقول الجامعة تبرق بس الوضع مو مأساوي زي ما الكل متخيل.

أستفزني التهويل الزايد ، عشان كده رديت ، والله يحمي الجميع.

تحيتي ..