تعالوا اختاروا موضوع الـPresention|| استفسروا|| وخذوا الحلول ||(موضوع جماعي موحّد)!!!

[Alaa Al ghamdi]

المشاركة الأصلية كتبت بواسطة سوار اول حاجه شكرا لك ياكاتب الموضوع تاني حاجه انو انا راح انجن مش عارفه عن ايش اتكلم والله ليا تلات ايام ادور في النت ساعدوني في اسماااء المواااااااا ضيع انو مو عارفه عن ايش اتكلم

ياحلوة لاتوتري نفسك
راح اعددلك مواضيع وتقدري تختاري منها
بس اهم شي يكون موضوع سهل عليكي بحيث انك لو نسيتي كلمة
تقدري تسترسلي من عنك وتضيفي لو نسيتي شي...
طيب اول شي ممكن تعملي عن اي مدينة سياحيه وتعددي الاماكن الحلوة واللي تنصحي الناس يروحوها وتدعميها بالصور طبعا...<<انا سويت عن الكويت

ممكن مثلا عن شخصية معروفة<<عندك مثلا ليوناردو دافنشي حتلاقي مواضيع كثيرة تتكلم عنو وحتلاقي المعلومات بسهولة

وممكن مثلا عن المكياج او الملابس والماركات <<او ماركة محددة وتذكري صاحب الماركة كيف كان وكيف صار بالصور طبعا...

وممكن تتكلمي عن ظاهرة الايمو ....

وممكن تختاري اي فلم كرتون تحبيه وتكتبي عنو زي سندريلا مثلا او سالي اي شي يعني وايش عجبك فيه واذا انتي لسه تتابعيه ولا كان شي مميز في طفولتك<<اهم شي الخيال ترى



هذا اللي فبالي الين دحين إن شاء الله يفيدك
وترى اي موضوع ولا اي فكرة مهما كانت بسيطة تقدري تتكلمي عنها
بس اهم شي لاتوتري نفسك مع التوتر تضيع كل الافكار