قــــــلــــــــــة أدب!!!

[makaveli]

شكراا بس الواحد ياخذ الشاهد يعني

انا مافسرت من عندي لأن الدين واضح يأخي العزيز لا تكون متعصب (هلك المتنطعون) اي المتشددون

طيب انا اقلك قصتي يوم جيت اصلى في المدينة بالروضة الشريقة

كنت لا بسي فلينة خفيفة في رمضان آخر يوم لي في المدينة لمن كنت رايح اصلي بالروضة الشريفة
وكنت لابس شورت (ورب الكعبة شورت شوووورت) ودخلت من باب النساء بالغلط لأن الدنيا كانت بتمطر
و الجو بارد فطبعا وقفوني عند الباب وقالو روح من الباب الثاني المهم....وصلت للروضة وجيت اصلي زهمني واحد من شباب الحرم او المسؤولين الشباب متدين وملتحي ولابس مشلح يعني شكله مسؤول
وقالي : ياطيب
قلت : هلاوالله.....والله عارف .... والله ماعندي ملابس اليوم ونازل جدة بعد 3 او اربع ساعات وماعندي وقت
قال: الله يقول (ولاتلقوا بأيديكم الي التهلكة)
طبعاا انا سكت وقلت : تهلكة ميين ياشيخ ؟؟؟
قال : انت لابس فلينة خفيفة قد تسبب لك اضرار صحية في هذا الجو الممطر البارد
طبعاا انا ارتبكت وقلت ياشيخ : الـــ (وكنت اطل على الشورت حقي) موقصدك الشورت
قال : شورت إيش هذا تحت الركبة مافيه شي

والشورت تحت الركبة بمقياس اصباع ونص فقط والصلاه كانت مش في اي مسجد ---كانت في الروضة الشريفة
طبعا شكرتة وصليت و خرجت وانا مستغرب اكلم نفسي الين الفندق


المقصود من القصة ان التشدد يسبب القلق وهذا الرجال اتكلم على الفلينة واهمل الشورت ما اتكلم
عن الثوب والشرررراب والعودة و و و و
الدين يسر يأخي

على العموم شكراا على التجاوب معايا والظاهر اننا احنا الإتنين بس في المنتدى الكئيب هذا ........