الله, يعين, على, الخطة أ

[العياضي]

السلام عليكم ورحمة الله وبركاتة

انا منتسب بالجامعة سنة تحضيرية وخطة أ

وحضرت اكثر من محاضرة من المواد المقرره على الخطه أ وحبيت انقلكم اللي صار بالمحاضرات

بسم الله الرحمن الرحيم

حضرت محاضرة الثقافة الاسلامية وجاء الدكتور وجلس يبربر مافهمت منه شي الرجل قاعد يشرح من الكتاب ..
زبدة الكلام اللي انتم تبون تسمعونا جايكم فيها لاتستعجلون
بعد ماخلصت المحاضرة كلمت الدكتور على جنب قلت يادكتور فيه شي تنصحنا فيه نذاكره او تحدده

لنا او او تدلنا على ملخص نشتريه ونذاكر منه لان الكتاب كبير وصعب نحفظه خلال شهرين

قالي بالفم المليان

الاختبار من الكتاب

وذاكر الكتاب كامل وتحديد مافيه وملخصات ماتنفع الكتاب كامل من الجلده للجلده

،،،،،،،،،،،،،،،،،،،،،،،،،
الكتاب الثاني أو المحاضرة الثانية

ياويلكم

الرياضيات

حضرت وجلست في اول القاعه امام السبوره قلت ابي افهم الحين واشارك مع الدكتور

جاء الدكتور وبدء يشرح ويعطينا امثله ونحلها ونشارك في المحاضرة الدكتور يشرح ولايترك

ولاصفحه كلها يشرحها

الزبده انكم اذا حضرتم للمحاضرة الرياضيات راح تفهمون باذن الله لان الدكتور يساعد على الفهم

ماشاء الله عليه

المهم بعد ماخلص الدكتور من المحاضرة كلمته قلت له مافيه تحديد او ملخصات نذاكرها قال لا

الكتاب كامل ....

نصيحة

انصحكم بمذاكرة الثقافة الاسلامية والرياضيات كامله مع ان الرياضيات تحتاج للمدرس خصوصي

تجيبه بالبيت عندك ويشرح لك احسن طريقه هذي ,,,,

لاتعتمدون على الملخصات ,,,,
واسف على الاطاله بس حبيت احطكم بالصورة ,,,

انتظروني الاسبوع القادم مع محاضرة الانجليزي والحاسب الالي والمهارات اللغوية فيها اشياء مهمه

تحياتي لكم

[دمعة غلا]

جزاك الله خير
ننتظر البقيه

[Hassan511]

السلام عليكم ورحمه الله وبركاته
اشكرك على الجهد المقدم والله يعطيك العافيه
اخي الكريم
انا خطه أ بس المشكله اني محتار كيف ابدأ ؟
مع العلم اني باشتري الكتب بعد الحج

[ابودريع]

الله يعطيك العافيه

[العياضي]

لا تحتار ولاشي ياخوي الامر بسيط جدا انت ابدا الان وخذ الجدول من النت وروح للمكتبه واشتر الكتب

وحفظ وذاكر وشوية شوي تروح الايام

بس الموضوع يبغا له شوي اجتهاد

وبكرة يقولون فلان اخذ البكالريوس باذن الله

الصبــــــــــــــــــــــر حلوووووووووووووووووو

تحياتي

[عذب المشاعر]

الله يعطيك العافيه اخوي

والله يوفق الجميع ان شاءالله

[tariq_101]

المشاركة الأصلية كتبت بواسطة العياضي انتظروني الاسبوع القادم مع محاضرة الانجليزي والحاسب الالي والمهارات اللغوية فيها اشياء مهمه تحياتي لكم

تشكر أخوي على الاضاح والله يعطيك العافيه ... بس ابغى اعرف في محاضرات للانتساب الاسبوع القادم

[وحيد 1]

الله يوفيقك اخوى بس لاتنسى

[العياضي]

إن شاء الله يكون فيه

اتاكد من الجدول واعطيك خبر

بالتوفيق للجميع

[فجر555]

الكلام هذا يمشي على الطلاب بس والا الطالبات بعد