إستفسار عن سحب |الملف|كيف أين ومتى ..!!

[الــراســي]

ههههههه



اي والله صادق بسام وبعد أضف لل(س) (x) من الناس برضوه وده يسحب ملفه ولكن كيف ؟؟؟؟؟


أفيدونا جزاكم الله خير ووفقكم


لأن الموضوع بجد في غاية الأهميه بالنسبه لي

[مرمر@ زماني]

اول شي صلوا على النبي ياشباب وبدري على السحب
لاتحكم على الشي من اولو وبالراااااااااحة يمديكم تشدوا حيلكم ان شاء الله وتجيبوا احسن
ترى اتكلم من تجارب وخبرات لسه في يدكم 70 درجة ان شاء الله بس لاتتهوروا وتسحبوا
اللي تكسر مايتصلح صح بس ممكن يتجبر <<لاتستغربوا بس هدي نظرة من زاوية اخرى للمثل
واذا مررررررررررره مركبين راسكم ومصرين فنصيحة مني استخيروااااااااااا اول شي

وطريقة السحب كالاتي :

1 - تروح للعمادة واذا عندكم مركز شامل حتاخد ورقة اخلاء طرف
2- عبي الورقة حق الاخلاء وتروح تختمها من الجهات المطلوبة في الورقة
3- تعطي الورقة لقسم الوثائق والمستندات مع البطاقة
4- يدوك الملف ويطلقووووووووووك بالتلاتة وتصي حررررر
هدا كان بالنسبة لشطر الطالبات واتوقع العيال زينا
#### ترى الموضوع ماياخد اكتر من 20 دقيقة وازا ضربتها الحمى نص ساعة بس
القرار ينبني عليه المستقبل كللللللللله

وسوري لو طولت بس حقيقي حرااااااااام تسحبوا وانتوا لسه في الاول واستخيروا لاتنسووووووا
الله يوفقكم فين ماكنتوا ياكل رموز الرياضيات ^_^

[EnTaS]

طيب كمان زيدوا y من الناس يبغى يسحب

هات العلم يابسام نفس الطريقه اللي فوق ^

.؟!؟!

[بـ س ـام]

هههههههههههههههههههههههههههههههههههههههههههههههههه هههههههههههههه
هههههههههههههههههههههههههههههههههههههههههههههههههه هههه

أم الفله .. أولا يسلمو يا مرمر ..

وثانيا كلامها صح يا شباب
أنا رحت لعمادة القبول والتسجيل
وأخذت ورقة الإخلاء بس لسه ماعبيتها
من يوم يقبلوني بكلية ينبع راح أعبيها هع

يا جماعه أبغا هندسه أنا ماني جاي ألعب في عزوز
قال باقي 70 درجة
لو إني نيوتن بجيب الـ 70 درجة كامله
طيب والـ 30 اللي راحت ؟؟ من يجيبها لي ؟؟
بكذا ماحنقبل بالهندسة

المهم ياشباب اللي قدم بالصناعية يقولي ..
كان آخر يوم الربوع ..

[EnTaS]

أنا قدمت في ينبع

وانا اساسا انقبلت فيها بعد ما وديت ملفي ل عزوووز

جيت اسحب ملفي قالوا ما يمديك الا بعد شهر :@

[APTX4869]

يا بسام يا لقيت تقول لي
فين رحت بالضبط لأن العماده كبيره .. و ايش الاجراءات اللي سويتها