(((بخصوص الشقق المفروشة)))

[ابوعبدالمجيد]

الاخوة الافاضل
شارع فلسطين جربت فيه كذا شقة كويس لكن الاثاث لك عليه وخاصة ( بيتك ) الحياة جيدة لكن ماعندك خدمة الجنادرية اعتقد انها اسم لامع وشوي قديمه
جربت بعد كذا شمال جدة مثل ماقالوا الاخوان نظيفة وهاديه لكن مشكلة النت ومشكلة انك تمشي قبل الاختبار بساعتين من شان تضمن الوصول وانتم عارفين شوارع جدة ( الراقية ) ومرورها الدللللللللع .
احد الاخوان يذكر لي شارع التحلية وشارع الاندلس اذا فرضنا سكنت بالاندلس وين اقرب طريق للجامعة هل ارجع مع فلسطين والا من عند تقاطع الملك عبدالله مع دوار السفن وبعدين ما اعرف اخاف اتورط
اما للنت ضروري جدا ايش الحل !!!!!!
تحياتي ,,,

[متعب الهديرس]

اخي الفاضل فيه خدمة جديدة من الاتصالات اسمها دي اس ال وايرلس عن طريق شبكة الجوال رسمها الشهري 299 ريال والفاتوره تربط بالهاتف الثابت وهي خدمة عبارة عن مودم يعطى من شركة الاتصالات على شكل عهدة مجاني يعاد بعد الغاء الخدمة ومعها شريحة جوال وهذا المودم يوصل للجهاز بكيبل يمكنك من الاتصال بالشبكة ولا تحتاج الى الاشتراك مع مزود خدمة والخدمة تعتمد على البعد والقرب من برج الجوال فكلما اقتربت من البرج زادت السرعه وكلما ابتعدت قلت السرعه والسرعه تصل الى 1.80 ميجا وسرعة النقل تصل احيانا عندي مع برنامج انترنت داونلود مينجر الى 280كيلوبت وتعتمد على السيرفر وقوته ونادرا ماتكون اقل من 40كيلوبت وطبعا المودم اكبر من السبيدتيش بقليل لكن اللي مايبي هالمودم بامكانه شراء قطعة تشبك على اللابتوب مباشرة قيمتها من 600-700 ريال وهي افضل من خدمة جوال نت الاتصالات وكنكت موبايلي طبعا الخدمة لاتعمل الا على شبكة الجيل الثالث وجربتها في فندق السلام هوليدي ان في جده وفي اكثر من موقع في جده تعمل وفي المطار وايضا في الرياض في في فندق الهوليدي ان وفي فندق صلاح الدين وخدمة انصحك وانصح الاخوة بالتعامل معها والله اسئل للجميع التوفيق والسداد