مساعدة بخصوص الفيزياء _ عنوان معدل

[بريق انثى]

السلام عليكم ورحمة الله وبركاته

بنات بليز الفيزياء مره ماني قادره اتسوعبها قريتها ترجمتها حاولت احل الاسئله انتبهت مع الاستاذه مافي فايدة

حاسه اني مابنجح فيها

الله يخليكم اللي تعرف ملخص كويس او كتاب او اي مصيبه اذاكر منها تقولي

قوللي كيف ذاكرتوها

انا جلست عليها 3 ايام كل ماافتح صفحه ابكي واقفل الكتاب واقوم

[برونزية]

انا بصراحه استفدت من ملخصات الاستاذ علي الزهراني

تلاقيها في الموضوع المثبت تبع الفيزياء
مررره حلو و مرتب و ينفهم ...

[soha zarie]

tra al fyzya mra sahla bs enty rkezy showaya

we bel tw fee8

[بريق انثى]

كل الملخصات اللي شوفتها عربي بس

والاسئله حتكون بالانقلش ماحينفع

ابغى حاجه تكون عربي وانقلش مع بعض

[® βutteяfly aηgel«~.]

انتي نفس معآناتي ،،
الله يسترها معآنا بس

[StrawBerry]

والله شوفي انا شفت ملخصات الاستاذ علي الزهراني مرة حلوة وتنفهم بس صح كلامك كلها عربي ..
فأخذت ملخصات اشرف بركات قبل شوي نزلتها من موقع المكتبة الالكترونية بس لسا ما ذاكرتها بس طالعت فيها شكلها كويسة والبنات مدحوا فيها وفيها انجليزي وعربي ...
اتمنى انو اكون افدتك ...
وربي يوفقنا كلنا ....
والله مررررة خاااااايفة الله يستر .......

[Mr-Ammar]

ممم بصراحه احنا دكتورنا يشرح لكن ما يعطينا كل شي

الامثلة الي يعطينا هيا بسيطة والي في الكتاب مرا غير


وانا اشتريت ملخصات اشرف بركات جيده وفيها شرح مرا كويس ..وحاط الترجمة فوق الكلمات الغريبه او الجديده

دوري عليها في المنتدى دا او في منتديات تانيه تحصلي ملخصات اشرف بركات

والله يوفق الجميع...

[شمس الربيع]

طيب الي عندو ملخصات اشرف بركات ينزلها لو سمحتوا
تا خذو فينا اجر

[ALI ALZAHRANI]

المشاركة الأصلية كتبت بواسطة شمس الربيع طيب الي عندو ملخصات اشرف بركات ينزلها لو سمحتوا تا خذو فينا اجر

http://www.skaau.com/vb/showthread.php?t=108322

[ALI ALZAHRANI]

المشاركة الأصلية كتبت بواسطة بريق انثى كل الملخصات اللي شوفتها عربي بس والاسئله حتكون بالانقلش ماحينفع ابغى حاجه تكون عربي وانقلش مع بعض

تصحيح لمعلوماتك: الملخصات مشروحة بالعربي مع تعريب لبعض المصطلحات بينما الآمثلة كلها بالانجليزي (وشرح الحل بالعربي) عدا الفصلين الاولين (عشان تتفهم المادة بشكل صحيح)،،،،

فياليت لو تآكدتي من كلامك قبل ماتردي،،،،