الى طلاب الانتظام والانتساب ادراة اعمال تسويق

[Francesco82]

السلام عليكم ورحمه الله وبركاته وبعد

اخوي العزيز tiger21 لازم تشمر سواء فيه مندي ولا ما كان فيه واذا ما تبي بحوووث التسويق bus 315 راح تخليك تلعب استغماااااية مع الجني الأزرق>>>>>>>> يمزح معاك بس يبي يخوفك شوي شوف يا تايقر بصراحة المادة هذي لو فعلا ذاكرتها من قلبك انا اضمن لك بحث وتدريب bus491 خطير لانها فعلا تساعدك على كيفية إعداد بحث تسويقي عن اي منشأة سواء كانت تجارية او خدمية واي مشكلة تواجه بعض انواع السلع على مدى الازمنة وعلى كل نطاق سواء محلية او دولية عموما ما ابغى اتفلسف عليك خلينا في المهم .
بصراحة اقولك هيا اذا الدكتور / طارق محمد خزندار فا اقولك استحمل ثقالة دمه وغروره الزايد وحتسمع منه على رحلات مكوكية قام فيها الى ما وصل لدرجة دكتور عموما اعطيك نصيحة واقولك هيا وعينك مغمضة فيه ملزمة تقريبا من 130 صفحة شاملة الاسئلة تحصلها في مكتبة خوارزم العلمية خارج الجامعة مكتوب عليها bus 315 بخط من ايام افلاطون وارسطو هههههههههههه
هذي الملزمة فيها الابواب كلها ما عدا المحذوف ويذكرلك رقم الفصل وعنوانه عشان تتاكد برضه ان هذه الفصول معاك , عن تجربة مني انا ذاكرتها والحمد لله جبت فيها 88 من 100 لا وكله كووووم يا تايقر ولما عرفت ان الدكتور طارق هو اللي قام باعداد هذه الملزمة بدون ما يذكر اسمه عليها لدرجة يا راجل اني تفاجأت وسرت اشك وكاني طلعت الاسئلة لدرجة التشابه الكبير بينهموهذه الملزمة فيها اسئلة في اخرها ضروري لازم تذاكرها يجي منها كثير وبالنسبة للاختبار تقريبا عبارة عن 50 صح وخطأ و30 اختيارات من أ و ب و ج و د و هـ وفيه سؤال عليه 20 درجة هذا اعتبرو هدية نجاح من الدكتور / طارق خزندار الله يجزاه خير ومعروف هذا السؤال ولو تسأل كل الاكادميين والتسويقيين وطلاب التسويق اللي في المراحل الأولى يجاوبونك عليه السؤال هو : أذكر خطوات بحوث التسويق بالترتيب طبعا الخطوات فيه باحثين في التسويق قالو تسعة وفيه غيرهم قالو احد عشر الدكتور راح يكفيك بالتسعة فقط وهيا الاثنين كلها صح لان الفرق بس في الخطوة التاسعة والعاشرة والحادية عشر
وزي ما قلتلك الدكتور بصراحة رائع في طريقة صياغته للاسئلة وصدقني اسهل اختبار مر علي في الجامعة بعد مادة ps101 العلوم السياسية اتمنى اني اكون افدتك واي سؤال متعلق بالمادة او غيرها من التسويق احنا في الخدمة خيووووو تايقر 21 تشاااااو سنيوري