شلون ارفع معدلي

[دودي115]

انا عندي انذار ثاني بالفصل
شلون ارفع معدلي

ساعدوني تكفون

انتظر ردودك

[ضيدان]

الله يعينك

خفف عدد المواد ... وذاكر من الكتاب .... لان كل ما خف عدد المواد يسهل عليك التركيز وتحقق درجات عالية ان شاء الله .. والملخصات ما تغني عن الكتب .. ودايم الدكاترة يحذرون من الملخصات واغلب الزملاء هنا بالمنتدى يحذرون من الملخصات .. لكن ما يمنع تستخدم الملخص للمراجعة بعد ما تكون ذاكرت مذاكرة مركزة من الكتاب

والمواد اللي متعقد منها حاول تستعين بمدرس .. والمواد العلمية يبي لها تطبيق .. حل قد ما تقدر امثلة من الكتاب واسئلة من الكتاب .. حتى لو جبت مدرس طبق اللي درسته معه بعد ما تطلع من عند المدرس

وأبشرك ... ما فيه شئ إسمه مستحيل ...... إنت عزم وقرر انك تحقق اعلى الدرجات .. وإعمل وذاكر وبإذن الله تحقق النجاح بدرجات عالية

وانتبه من .... (باقي وقت .. يمديني اذاكر) ابدأ من الان .... واستغل كل فرصة فراغ بالمذاكرة
بالتوفيق

[ضيدان]

ونصيحة إقرأ هالموضوع

http://www.skaau.com/vb/showthread.php?t=15880

وقل لي رايك . وكيف العزيمة عندك بعد قرائته.

[koook]

بالعكس بعض الملخصات مفيدة وافضل من أي كتاب

بس المشكلة باللي يذاكر المادة قبل أسبوعين من موعد الاختبارات

أنا أختبرت مواد كتبها شرق وأسئلة الدكتور غرب

ولولا الله ثم الملخصات ونماذج الأسئلة السابقة كان جبت مقبول هذا إذا مارسبت

وأهم شي المادة اللي تشوفها صعبة عليك أستعن بالله ثم بمدرس ممتاز يشرحها لك

كذا تدخل الامتحان وأنت مطمن ومرتاح وواثق من نفسك

وبالتوفيق لك ان شاء الله

[دودي115]

شكرا لكل من رد علي

ولكن سؤال ماهي المواد اللي اقدر اضيفها وترفع معدلي وكم عدد المواد اللي اضيفها

ولكم جزيل الشكر