نداااء للمسؤليين / ليه كل يوم نظام ! (ضروري)

[Magic Smile]

اذا اي اشاعة تأثر عليكم وتشيلون همها ما تقدرون تمشون كذا
جيبوا معدل عالي ماحد يوقف بطريقكم
بالتوفيق ان شاء الله ..

[نـــــونـــــي]

[motr]حسبي الله ونعم الوكيل[/motr]

[عطر الايام]

من جد مسأه بصراحه ودي اوصل صوتي للوزاره التعليم بصراحه التعليم على قد ماهم مهتمين فيه على قد ماهو معقد وغير مرغوووووووووووووووووووووووووووووووب بالمملكه ليش ياوزاره ترضوا اولادكم يروحوا يدرسوا خارج المملكه وبعدين يحبوا الجو هناك ويجلسوا يعشوا هناك معقوله تفقدوا ابناؤ الوطن فينكم؟؟؟؟؟؟؟؟؟؟
ادري بتقولو تعمقت بالموضوع بس دا جزء واقل من جزء للي نفسي اوصلو للوزاره


وانتم الله يعينكم ويوفقكموياحببتي انا مريت بااصعب من كدا بالجامعه وفعلا اللي عندها معدل تختار اللي تبغاه من غير مااحد يقولك عينك في راسك

[الامل الخالد]

ايش هذا الظلم والقرارات العشوائيه ياريت تدرس القررات قبل تصدر بالعشوائيه هذي واذا كان الموضوع فعلا كذا ايش لازمه التعب هذا كله وتحديد المستويات وضياع اكثر من ثلاثه اسابيع حتي ظهور النتائج

اذا كان القرار هذا فعلا احنا الي في المستوي الاول نبغي نصير في المستوي الرابع ونأخذ المقررات نفسها عشان اقل مافيها يكون في تساوي ومايصير في ظلم

لانه اليوم جات استاذه اللغه الانجليزيه وقالت انه الاختبار ممكن يكون موحد لجميع المستويات وهذا حيكون فيه ظلم كبير للمستويات المتدنيه
وحسبي الله ونعم الوكيل

[نانا ...]

السلام عليكم جميــعا ...

شكرا لكل من رد على الموضوع ..

بالنسبة للناس الي تقول ان هذي اشاعات ، اكيد انها من جامعة عبدالعزيز لانه ما قالوا هالكلام عندكم
لكن عندنا بالكلية الاساتذات بانفسهم هم الي جابوا الورق وقالولنا ع القرار الخنفشاري !
يعني مو معقوله حيكون كلام فاضي وفيها ورق رسمي وتوقيع ....

عموما المهم والاهم الان انه :
جاتنا الاستاذه يوم الاحد حقت الانقلش وبعد طبعا ماسمعت ردود فعل البنات واللخبطة الي صارت وفهمتنا ع الموضوع واقنعتنا فيه وان شاء الله انه يكون صحيح لانه ارتحنا من بعد كلامها

ايش حكاية الموضوع ياحلوات .. انه انتي الحين اهم شي تجتازين هذا الترم المستوى الاول وتنجحين فيه باعلى الدرجات قد ماتقدرين ... الترم اللي بعده حيكون منهجك حق المستوى الثاني بما انك اجتزتي الاول .. كمان لازم تعدي منه وتنجحي باعلى الدرجات قد ماتقدريين ..
بكذا نهاية السنه تكوني اخذتي مستويين وناجحه فيهم ، وبالتالي معدلك راح يرتفع كثيير لانه الانقلش يأثر في رفع المستوى ..

بعدها لمن تقدمي للتخصص ان شاء الله رغباتك رح تكون متاحه(لانه معدلك عالي بتأثير الانقلش+ انك اجتزتي مستويين بالانقلش) .. بعكس اللي رسبوا في المستوى الاول او الثاني راح تكون التخصصات المتاحه لهم هي الدين والعربي والجغرافيا والتاريخ ...

يعني الورق طلع للي ما اختبروا مثلا .. او حاسين انهم يقدروا يمشوا في الثاني والثالث
هما اكيد درجاتهم بتكون اعلى لانه بيحلوا اكثر من الاول في الاختبار (الموحد) بس مو معناته انه احنا مالنا نصيب ..يمكن نجيب شي بالصدف في الاختبار ونوصل لدرجاتهم

هذي زبدة الموضوع ...

عموما الكلام مبدئيا صار مريح ... يعني الحين يبقى دورنا انه نجيب في الاختبار اعلى درجات

معليش طولت بالحكي لكن حبيت اوضح للبنات مثل ما توضح لي ....

[امل يعقوب]

الله يعينكم ~

كل سنه لهم نظام ..! من جد شي يقهر ..

بالتوفيق ~

[.,.نيــــــــــــــــــــران.,.]

من يوم عرفنا الجامعة والتخصصات فيها حسب المعدل فقط لاغير

معدلك عالي = اختاري التخصص اللي تبغينه
الدرجات لازم تكون عاليه في جميع المواد بغض النظر اتجليزي وللا غيره ،،


نانا اعتذر منك لتعديل الموضوع لان مقدمته مثبطة للغاية + غير صحيحة تماما

وينقل للقسم المناسب

[فتى جده]

تعديل بسييط ..

أولا .. آآسف دخولي .. شب على صبايا >> خلاصننننننننا

مستوى الإنجليزي .. ما يحدد تخصصك .. ولا شيء

تخصصك يكوون على حسب نسبتك المكافئه

.. تقبلوا مرووري ..

م // فتى ج ــده