بليززززززززززززز مساعدهـ ..فيزياء..

[بريق انثى]

السلام عليكم ورحمة الله وبركاته

بدخل في الموضوع دغري

احنا من بداية الترم مااخذنا فيزياء ... ويوم الاربعاء دخلتلنا استاذه الحمدلله

وقالتلنا احنا متأخرين مره عن المنه فعشان كذا علطول دخلنا في الفصل التاني

وقالت وقت تاني اشرحلكم الفصل الاول ... المهم

كانت اخر محاضره الساعه 1 وهي جلست تقرقر علينا حتى كتب مامعانا عشان نترجم معاها

اليوم فتحت الكتاب ابغى اذاكر عشان بكره تسأل في الدرس وعشان لاتتراكم عليه

والله ماقدرت الكتاب كلهم انجليزي اقعد اترجم الين متى ماني فاهمه شيء

الله يخليكم ويسهل عليكم شوفولي حل كيف اذاكر الدرس

والله الماده هذي عقدتي من الطفوله

[الـبيــــــان]

هـع والله غريبة ؟.؟

بس يعني دخلتوا على طوول في السرعة والتسارع ..

انتي عارفة انا ايش سوويت ..

فتحت كتب الثنووي ولقيتها نفس الدرووس وحفظت المعادلات وعرفت كيف احل فيها الاسئلة وبعدين والله فهمت ..

انتي تقوولين ما عندك الكتاب ..

طيب صبرر اجبلك رابط الكتاب الكتروني ..

[بريق انثى]

لالا خلاص شريت الكتاب بس مالحقت اترجم مع الاستاذه

عشان كذا ماني قادره اذاكر ماني فاهمه

[الـبيــــــان]

طيب شووفي هذي الملخصات يمكن تفيدك ..

http://www.skaau.com/vb/showthread.php?t=69613

واي شئ ثاني تراني بالخدمة .^^

جااناا

بس اهم شئ لا تشيلين هم ..

[بريق انثى]

الله يوفقك يارب ويسعدك ويسهل عليك رفعتي معنوياتي

يارب تيبي اعلى معدل وتدخلي التخصص اللي تبغيه

قولي امين

[ميعاد]

انا والله مافتحت كتاابي احسه موو مفهووم وماادري كييف شوفي ملخصات الاستااذ علي الزهراني حاط شرح لكل فصل , وربي مرا حلو وتفهمي منو . ذاكري منو احس لورجعتي للكتااب بعده بتفهمي ..

[الـبيــــــان]

المشاركة الأصلية كتبت بواسطة بريق انثى الله يوفقك يارب ويسعدك ويسهل عليك رفعتي معنوياتي يارب تيبي اعلى معدل وتدخلي التخصص اللي تبغيه قولي امين

آآآآمييين وويااك ياارب ..

ولوو ياعنوني حنا لبعض ..

[بريق انثى]

من فين ايب ملخصات الاستااذ علي الزهراني

[بلغيث الشريف]

تفضلي ياختي هذا رابط لاحسن موضوع في المنتدى لشرح الفيزياء من طق طق للسلام عليكم مع اسئلة اختبارات وبالعربي كمان والشرح لدكتور يدرسنا الماده
http://www.skaau.com/vb/showthread.php?t=112394

المواضيع في التوقيع ياختي اتمنى اني افدتــــك

[ALI ALZAHRANI]

المشاركة الأصلية كتبت بواسطة بريق انثى من فين ايب ملخصات الاستااذ علي الزهراني

www.kau.edu.sa/azalzahrani

في قانمة (السنة التحضيرية) بعدين (ملخص)

أو زي ماقال بلغيث

موفقين