المبنى الثالث بجامعة الملك عبد العزيز انحلال وفساد

[Imani]

اول شي بوضح حاجة
انا لست معكم ولا ضدكم كما لست مع الفئات المعنية بالأمر، صحيح اني برضو ماحب المبالغات الموجودة في الجامعة من لبس وميك آب وصبينة ونظارات ..إلخ بس بالنهاية الناس احرار لي في نفسي بس
ثاني شي هاي وجهة نظري بكل صراحة

لاحظت كثير ناس بالجامعة ينظرون لبعضهم البعض بعين الادانة مسبقا !

موقف شخصي مرة من المرات صحيت متاخر وما كان فيه وقت اني اسوي اي شي بشعري القصير فقررت اخليه على "طبيعته" وطبعا هالشي سبب لي ازمة من يوم ما دخلت ذاك اليوم لغاية ما خرجت والله العظيم اغلب الناس تبحلق بشكل سيء وغير حضاري كأني حاطة تلفزيون على راسي ولا حاجة! كنت خارجة من المكتبة بنت تقول لصديقاتها شوفوا شوفوا !! والبنت مستعدة انها تبدأ مسلسل الشتم والغيبة طبعا طالعت فيها راحت نزلت عينها بالأرض بالله تبغوا تقنعوني ان هاي البنت طبيعية؟ كل اللي سويته اني خليت شعري على طبيعته ايش ذنبي اذا كان شعري مش على مزاجها؟ وهيه من جهة ثانية اغتابتني وعزمت صاحباتها على لحمي ههههههههه طبعا بالنسبة للمجتمع انا العنصر الشاذ وهي الطبيعي بس عشان الشكل تصوّروا؟

الاغلبيّة ينظرون نظرة سلبيّة ويدخلون في ذمم ونوايا الناس للأسف يشوفوكِ من شكلك وعلى طول يضعوك في قالب محدد انا بس حابه اقول رجاء تمهلوا شوية مو كل من كان شعرها قصيير وصعب تسريحه معناته انه هيه بويه على طول متى بنرتقي لمستوى انه نحكم على الشخص من خلال شخصيته وتفكيره وتعامله ترا الدين معاملة مو شكليات على فكرة انا من النوع اللي ابتسم دايما تعرفوا ذاك اليوم ما كان احد يبادلني الابتسامة نتكلم على الدين بس اذا كان يخدم وجهة نظرنا صح؟؟ للأسف..

اما عن المبنى 3 فأنا اللي مو عاجبني فيه الجلسات الموجودة والتجمعات لانه يخليه زحمة انا ادخل واشوف ناس تبحلق بس عادي العين بحر غير كذا موضوعكم مالي فيه ولاني مستعدة اصلّح احد او انصح - خصوصا بالأسلوب القاسي هذا!!- يادوب اللي عندي من عيوب مكفيني اجاهد نفسي واصلحها احسن بكثيييييييير ومالهم مني إلا دعوة بالتوفيق والصلاح هذا من شؤون الادارة نفسها واهلهم والمسؤولات مش من شؤوني لي في نفسي بما اني مجرد طالبة بدون صلاحيات.