اريد ان اسئل عن عن الكتب وموعد الاختبار والجدول

[فرحة]

السلام عليكم
انا طالبة جديده
هذه اول سنه ليا في الجامعة طبعا
السنه التحضيريه انتساب
مكتوب على بطاقة الجامعه حقتي
السنه التحضيرية اداري وانساني
انا ابغا اسئل عن الكتب اعرف من فين اشتريها
بس سؤالي انا صديقتي درست واعطتني كتبها
هل ادرس من كتبها او لازم اشتري كتب جديده
يعني اذا الكتب نفسها مافي داعي اشتري كتب جديده
بس ابغا اعرف منكم اذا الكتب تتغير كل سنه
فهنا لازم الحق نفسي واشتري كتب بسرعه
عشان الحق ادرس
وابغا اسئل كمان عن موعد الاختبارات
يعني موعد الاختبارت مو مكتوب عندي في صفحتي حقت الجامعة
ومعليش سؤال اخير
هل لازم اعمل اضافة لجدولي لاني كل ما اضغط على اضافه ما يسمحلي
الجدول اصلا نازل عندي في صفحتي
بس انا سمعت انو لازم نعمل اضافه للمواد الي نبغانها
وسمعت من ناس تانيين انو لاء مافي شي اسمو اضافة مواد بالنسبه لطالبات السنه التحضيريه انتساب والجدول ينزل ومالنا حق في اضافة او حذف اي ماده
فأية الصح هل الكلام الاول او التاني
ارجو انو تكون اسئلتي واضحه لكم
وياريت تجاوبوني عليها بسرعه لاني من جد
حاسه انو انا ضايعه يعني بالفسحه" ضائعه او تائهه " وبالعاميه معناها موه تايهه
ومني عارفه راسي من رجلي بس مصره انجح
عشان كدا الي راح يجاوبني اول واحد
راح ادعيلو بالفردوس
وشكرا اعذروني على العاميه ما اعرف اكتب الا كدا