اللي خلص التحضيري و اتخصص يجي يساعدني

[رهام 20]

السلام عليكم ورحمة الله و بركاتهـ

اللي خلص السنه التحضيريه يجاوبني بليز

انا قبل مااخلص التحضيري

جاني خيارين كلية اداره و اقتصاد

و كلية اداب و علوم انسانيه

ماجاني اقسام زي ادارة اعمال و علم نفس....الخ

و اخترت كلية اداب و علوم انسانيه


خلصت التحضيري و الحين مكتوب مستجد _ اداب

في احد جالو زي كذا ؟


يعني ايش قسمي ؟


ياريت تساعدوني

[أنثىْ لأ تنحنَيِ }`]

ياقلبي التسكين اللي يحطونك بكليه

بعد ما تتسكنين بالكليه زي انتي الحين انتي اتسكنتي اداب

يحطوا كمان خيارات للتخصصات من يوم تقريبا 22 رمضان قفل يوم 5 شوال

انتي اخترتي تخصص ولا لا في هذي الفتره ولا لا ؟

اذا ماخترتي لازم الحين تختارين تخصص عشان ينزلولك جدول وتداومي السبت

واذا هما خصصوك خلاص روحي شوفي جدولك نزل ولا لا

واذا خلاص خصصوكي ونزلولك الجدول وتبغين تضيفين وتحذفين

لازم اليوم تروحي الجامعه ويعطونك ورقة حذف واضافه وتضيفي المواد اللي تغينها وتحذفين اللي ماتبغينه

لانه اليوم اخر يوم في الحذف والاضافه

--------------
اذا خصصوك تلاقين في خانة التخصص مكتوب تخصصك اذا مكتوب سنه تحضيري يعني ماخصصوكي

لازم تروحي الحين الجامعه مافي وقت

شوفي مثلن انا ايش موجود عندي بالاودس

الكلية : الآداب والعلوم الانسانية
التخصص : لغات اوروبية-فرنسي-
الفصل : 1
السنة الدراسية : 10

انتي زيي مكتوب التخصص ولا مكتوب سنه تخضيريه ؟؟

[ساندي بل]

بس الحين نزلوا ايقونة التخصص اذا ماتخصصتي الحقي وتخصصي بسرررررررررررررررررعة قبل لايقفل

[هتان الزهراني]

الآن وبعد أن كتب لك مستجد اداب
ماعليك الا الدخول
عن طريق النظام
الاودس
بعدها
على يمين الصفحة
من ايقونة التخصيص الفوري
تظهر لك هذه الايقونة
مباشرة
بعد الافادة بحضور الاختبار في مجموعة النماذج
قومي بالضغط على هذه الايقونة
هناك مجموعة اختيارات سوف تجدينها هناك من ضمنها هذه التخصصات دراسات اسلاميه00 لغةعربيه00 اعلام00تاريخ00علم اجتماع00علم نفس قومي بالضغط على احدى هذه الخيارت حينها سوف يظهر لكِ التخصص الذي اخترتيه هذه بالنسبة للاداب أن اردتِ
الآن وقبل اقفال التخصصات
لك كل الاحترام

[رهام 20]

جزاكم الله خير ماقصرتو

كنت ضايعه وربي بس الحمدالله انتم كفيتو ووفيتو

تم اختيار القسم

اشكركم على المرور

[المرجوجة]

انا يجيني تخصص مستجد اداب
يعني اش الهرجة؟؟؟؟؟؟؟؟؟؟

[عازف]

الله يوفقك يارب
بس عسى تخصصتي اعلام 0

[لندنية]

المشاركة الأصلية كتبت بواسطة المرجوجة انا يجيني تخصص مستجد اداب يعني اش الهرجة؟؟؟؟؟؟؟؟؟؟

يعني تسكنتي بكلية الاداب والحين اذا لسى مااخترتي التخصص روحي اختاري