هييييييييه نزلت الجداول اخيرا يلا بنات وشباب مبي ارائكم بخصوص الكتب

[ام عبود 123]

سلام انا منتسبة جديدة اعطوني رايكم نشتري الكتب وإلا لا
ومن اي مكتبة ساعدوني

[رغم العنا ببقى أنا]

انا قريت كل الردود وراسي اندوووووش

تيب فيه سؤالين ماعرفتلهم جواب..!!

1- الحين الكتب راح اشتريها من قبل الدورة بس اروح المكتبه واخذ الجدول ولا ادخل لموقع واشوف اسم الكاتب والكلام دا وكيف الطريقه عشان اعرف الكتب؟

2- الجدول مكتوب الايام وهذا شي معروف
واللي اعرفه ان يوم السبت والاحد حروفهم زي بعض s
والثلوث والخميس نفس الحرف t
كيف اقدر افرق بينهم وايش المقرر عليا , وايش يعرفني اذاكان الاحد ولا السبت ولا الثلوث ولا الخميس؟؟؟؟

ومشكووورين مقدما

[laz0o0za girl]

ياقمر s. بنقطه يكون السبت
.s. يكون الاحد
اما التلوت والخميس مااعرف

وانا اشوف انه نشتري الكتب احنا خطه (ب) لانه مافي وقت بيكون على الاختبارات
ومن دحين عشان نكون عندنا خلفيه على المواد لانه احنا عكس خطه (أ)
عندهم وقت
واللي يبغى يجيب معدل حلو من دحين اشوف انه يشد حيله
وشكرا

[The_Red_Halo]

انا اشتريت كتاب واحد بس لقيتو عند دار حافظ اللي هوا "التفكير و البحث العلمي" طبعا هوا نفس الكتاب اللي قلنا عليه الدكتور امس ما لقيت غيرو و المكتبة ماشالله زححمممة

[كاسه]

طيب أعذروووني عن سؤال يحك رأسي حك

هل سجلتو في الدورات ؟؟؟؟؟؟؟؟؟؟؟؟؟؟؟؟

و لا التسجيل لسه ما بداء

[The_Red_Halo]

ما بدأ التسجيل

[NinaSky]

hizo every body

ليش حايسين كدا ترى الهرجة مرة بسيطة

خلاص الكتب متوفرة في المكتبات

انتو بس لو روحتو على خوارزم وقولتو للموظف تبع المكتبة :

انا طالب /ة انتساب سنة تحضيرية

وأعطيتو اسماء المواد اللي مذكورة في الجدول على جهة اليمين كل مادة واختصارها

على طول يعطيكم الكتب ومعتمدة من نفس الجامعة يعني خدوها وانتو مرتااحين ومتطمنين

وانا الحمدلله أمس روحت خورازم وجبت تلاتة كتب اللي هيا :

1- المهارات اللغوية ( المستوى الأول )

تأليف : د . سالم سليمان الخماش ,, د . محمد ربيع الغامدي ,, د . عبدالله سالم الثمالي

الطبعة الثانية 1429 هـ

سعر الكتاب : 25 ريال

2- الثقافة الاسلامية ( المستوى الأول )

إعداد : د . علي عمر بادحدح ,, د . محمد احمد باجابر

الطبعة الثانية : 1427 هـ

سعر الكتاب : 18 ريال

3- مهارات الحاسب الآلي Computer Skills

إعداد : وحدة مهارات الحاسب بكلية الحاسبات وتقنية المعلومات

جامعة الملك عبد العزيز

الطبعة الاولى 1430 هـ

سعر الكتاب : 75 ريال

الرياضيات لسه مانزل ..

وكتب الانجلش North Star خلصت وحيجيبو تاني في دي اليومين

يعني تكون عندكم يوم الأربعاء - الخميس ^^

ان شاءالله اكون أفدتكم ,, تشآوز

[nosah]

يعطيك العافيه