ماهي طريقة المذاكرة لـطلاب السنة التحضيريهـ .. { ~

[بـ س ـام]

السلام عليكم ..

:

من حفر حفرة لأخيهـ وقع فيها <-- سمعت بالمثل هذا وماعرفت فين أستخدمه فقلت اكتبه اليوم

:

أيام الثانوي كنت من أكثر الطلاب اللي بقول أنها صعبه وأني كنت متعقد
من الرياضيات وكذا ..
لكن من يوم ما أشتريت كتاب الرياضيات اللي فيه حوالي 1300 صفحه
تبت توبة نصوحه لرب العالمين .. لأني ظلمت مواد الثانويه وحكمت عليها بالصعوبه

:

الزبده دحين أنا ماني عارف فين أروح ولا أيش اسوي بحياتي
احتمال بكره اروح للأمن والسلامه بالجامعه وأسألهم اذا عندهم وظايف ..
بس بصراحه بيني وبينكم أكثر شي عجبني هو المطعم ..
وأحسه اسهل شي بالجامعه ..

المهم نرجع لموضوعنا وهو مالا عبرت عنه بالعنوان لأسباب شخصيهـ هع
كنت أبغا أسأل مجموعة أسئلة واستفسارات وأشياء إلخ ..

:

بالنسبة للكتب أنا أشوف ان من غير الضروري أن الواحد يشتريها
قولو ليش ؟
أنا أقولكم ليش لأني اليوم أشوف دكتور يشرح ومعاه نسخه من الكتاب
وبعدين أتوقع أنه بيتحدد فصول من الكتاب نذاكرها والباقي ماهي لنا حسب علمي
لأنه مستحيل ندرس الـ 1350 صفحهـ ..

وبعدين ايش قصة البنوك هذه حق الأسئلة ؟
يعني حسب الدكتور متى ماقالنا نذاكر منها
ولا هو كذا النظام نذاكر من البنوك على طول من نفسنا ؟

وثاني شي الأختبارات النهائية مين اللي يضعها ؟
هل كل الطلاب اختبارهم موحد ولا كل دكتور يسوي اختبار لطلابه ؟؟؟

وطالما نحن بنكتب مع الدكتور في الدفتر
ليش نحتاج للكتاب )-- سؤال وجيه

:
شباب بالله كيف نعمل احس ان هذه السنة
جدا جدا جدا حتكون صعبه
مع أني استغرب ان بعض الطلاب متخرجين بنسب عاليه
لاتقولو شد حيلك وذاكر
يعني هل معقوله بذاكر 24 ساعه ؟
أو 20 ساعه اذاكر و4 ساعات أنام !!
ماني عارف ايش اعمل
وبالنسبة لكتاب مهارات الإتصال كلللله علينا ؟؟
مصيبه هذه ماني مصدق أو ماني مستوعب
ترى الدراسه الجامعيهـ ..

:

هذا مالدي ولي عودة ان شاء الله بعد شويهـ ..

:

واللي بينضم للحمله يرفع اصباعه ..

[حياتي تواضع.!]

والله يابسام كلنا نفس الشعور لكن كلنا ساكتين عشان هذا مستقبل :(

والله احسهم يسوون لنا عوائق من تراكمي لنسبه موزونه لقدرات وتحصيلي يعني منت عارف

بالنسبه للكتب صراحه ثقيله خصوصا عليها < نحن البنات :)

وانا اقلك صور الي تحتاجو وبس :> ولا خذ من الي موجود في المكاتب صور من الكتاب

لان الكتاب اولا خساره فلوس على غير فايده وككسرت ظهر كمان :)


وهذا الي عندي :>


بس بدون انتحار

[شوق جده]

بالنسبه لاانتحار انا معك بسام
وبعدين شووووووف كتب مستحيل اشتري لو ايش يسون >>> قويه مرره
وبعدين خلنا ع الملخصات احسن لنا ولا بعد اللي يقهرك انهم يشرحون من عروض بور بوينت
يعني وشوله الكتب والا شرايكم
بس قولوا لنا اي ماخصات حلوه نشتريها ومن وين
لكم ودي
شووووووووووق جده <<<<<<< رئيسه عصابه الانتحاريين ؛؛؛ قويه ههههاي

[البادي]

بالنسبة لمنهج الرياضيات فإلي راح تدرسونه قليل جداً مقارنة بحجم الكتاب!
واكثر المنهج قد درستووه بالثنوي بس عاد بالانجليزي
سهل جداً جداً لا تخاف
وبالنسبة لنسخة الكتاب اعتقد يبيعونها ببعض المكاتب إلي حولين الجامعة ويكون اوفر وأخف لنه بس فيه المقرر إلي راح تدرسه
وشكراًًً

[د احمد]

اذا معزم تنتحر عطني الكتب حقتك <<< ما ابغى اشتري
ترى احنا لسا في اول الايام وأول الايام دايما صعب حتى في الابتدائي والمتوسط والثنوي
وكلها اسبوعين وحنتعود على الجو ونعرف من اين تؤكل الكتف <<<<< ماتغدى

[M!ss 5o05a]

رااافعه أصباعي

شكلنا كلنا حاسين بلخبطه ومحنا عارفين من فين

نزاكر ولا ايش اللي معانا وايش اللي لا !..

بس كل ما أعرف انه في بنات عدوها السنه اللي راحت

أحط امل شويه ان الاختبارات تكون حلوه..

وطبعاً طبعاً ماراح ناخذ كل الكتاب في الفيزكس والماث بس شباتر معينه

والمهارات اعتقد كله

وبالنسبه لبنوك الاسئله هي اللي يجي منها الاختبار

بس خسااااااره مواد خطه أ ما فيها بنوك..

وبالنسبه للأختبارات بتكون موحده للبنات والاولاد كلنا زي بعض أظن مو أكيد

وتحطها لجنه مخصصه يعني الاستازات مالهم دخل ولا يعرفوا ايش

راح يجي في الاختبار ولا شئ....

والسنه دي احسها بطول بس ان شاء الله تعدي على خير

بالتوفيق

[شوق جده]

والله انك صادقه
تقدرين تقولين زود شطاره ههههههههههاي لكم ودي
شووووووووووق جده

[M!ss 5o05a]

ههههههههههه

ماهي شطاره ولا شئ.....

بس والله الكتب تفجع ..كيف راح نفك هذي الطلاسم ماأدري

حتى الوقت مايكفي نترجم ولا نزاكر ..

وبعدين نحلها ..

سلااااااااامي

[bishoo]

منجــد الله يرحم أيام الثانوي ومناهج الثانوي
اممم بالنسبة للكتاب انا لسه مااشتريتوو بس راح اشتري
واتوقع لازم نشتري لانو اليوم الدكتورة قالتلنا انو راح ندخل عالموقع
حق الكتاب وراح يكون لكل وحدة user name يجي مع كتابها وراح نحل
واجبتنا في الموقع وهي بس تدخل تشوف درجة التصحيح
<<هذا اللي فهمتوو
وقالت عشان كذا لازم كل وحدة تشتري كتاب خاص فيها مايسير تصور
بس مااعرف انا للآن ماشتريت الكتاب
الله يعيين وييسرلنا ويسهلنا وتعدي السنة على خير وبأفضل النتايج يارب..

[د/ روميو]

هههههههههههههه ..
أحييك على العنوان صراحة ،،،<<دخل راسي وبقوة ،،
وبالنسبة للسنة التحضيرية،،،
والله هي حوسة ولخبطة ولكن كلها أسبوع قدام من اليوم ونتعود ،،
ويسير الوضع إيزي ،،،
وتذكر هالمقولة ...وضعها نصب عينك ...@ من جد وجد ومن زرع حصد ومن سار على الدرب وصل @ ...
ولو تكتبها على لوحة ...وتعلقها على جدار غرفتك ،،
وكل يوم ..لما تصحى من النوم ..تقراها ..
تبث فيك روح الحماسة ،،،والجد والأجتهاد ،،،
دمتم بود ،،
أخوكم / روميو