سؤال عن كيفية المذاكرة _ عنوان معدل

[reemo2009]

وعليكم السلام ياقمر:)
شفيك ياعسل تونا بسم الله مابدينا والله شعووووووور طبيعي..انا كنت زيك اول اسبوع بكيت وقلت بسحب ملفي لاكن الله يخلي صاحباتي نصحوني وقالو شفيك هبلة لان تونا ومستوانا في الانجليزي مو مرة.. انتي تحسي ميح ياعسل لان كنتي متعودة بالمدرسة 12 سنة كل شيء بالعربي شرح ومذاكرة فتجي مكان كل شي انجلش شرح ومذاكرة اكيد راح تتفاجئي في البدايو ريبغى لك فترة لين تتعودي ان شاء الله اسبوعين وانتي متعودة وادري فيك خايفة ع الدرجات وعشان المعدل والتخصص والله نفس شعورك كان معي لاكن لاتخلينه يسيطر عليك وتغلبي انتي عليه..قولي بحاول وبتعود وبصير اذاكر كويس مع الايام وبفهم وحتى لو في البداية صعوبة عادي راح تتعودي..
وبخصوص المواد انتي خطة الف يعني عندك ماث وفيزيكس ومهارات وحاسب بالاضافة للانجلش
اول شي عن الماث..اكتبي مع الاستاذة كل شيء لانو كله تمارين وركزي معاها بالكلاس والماث احلى مادة بالسنة التحضيرية واسهلها يعني ذاكري اول بأول واسألي عن الي ماتفهميه ع طول واذا كانت استاذتكم تكتب كل شيء ع البورد خلاص ذاكري من النوت واساليها انتي استاذة الي نكتبه شامل للكتاب ولالا ومايمنع انك تفتحي الكتاب وتشوفي القوانين بتكون واضحة في الكتاب والكلام الدش ماعليك منه..الرياضيات كله تطبيق..وعن الاختبار في ملزمة للدكتور حمزة ابو جبل الي العادة هو يحط اسئلة الماث اكيد راح تقولكم عليها الاستاذة قبل ماتجي الاختبارات .زالاسئلة ايزي كلها اختيارات ونفس الطريقة تجي بالاختبارات..يعني لاتشيلي هم ان شاء الله الدكتور حمزة يحطها:)
اما الفيزيكس لازم تتابعي اول بأول وتحفظي القوانين عشان لاتتراكم عليك وتحلي مسائل يعني مثلا المساءل الي تحلها الاستاذة لكم في الكلاس ارجعي حليها في البيت واذا مافهمتي اساليها المحاضرة الي بعدها..انا عن نفسي كنت اذاكر من الكتاب بس انتي شوفي الي يريحك واختبار الفيزيكس كلو مسائل تقريبا ساعات يجي نظري ومو صعب اهم شي الفيزيكس بقوة خليك اول بأول..واختياري بعد:)
المهارات سهل
الحاسب نفس الحكاية
اما الانجلش يعني الاختبار يكون موزع مابين الريدنق والرايتنق واليسيننق والقرامرة والمادة الخامسة مدري اذا حدوو لكم ويش هي..الريدينق من خارج الكتاب القطعة بس تحكي عن نفس المواضيع الي راح تاخذوها بكتاب الريدينق وفي جزء منها من الكتاب يعني عندكم كلمات بتاخذوها بكل لسن احفظيها وافهمي معناها يجيبو منها
القرامر سهل يعني افهمي القواعد ومو بعيدة عن الي كنا ناخذها نفسها
اليسيننق يجيبو شريط وتسمعو وان شاء الله يكون سهل
الرايتنق هي راح تفهمكم طريقة الاسئلة او اذا خذيتوه ومافهمتي تقدري تسالي في المنتدى
وبس اتمنى اكون افدتك ولاتوتري حالك ياعسل:)