قدم رايك او ملاحظاتك مع اول يوم دوام بالماستر جميع الاقسام

[BATI]

وعليكم السلام ورحمة الله وبركاته

مدري ازا قصدك بس حقون الخاص والا كل الماسترييين يجوو يهرجو
علعموم الحمدلله النفس مرررة مفتوحة وطبعن اول اسبوع مافي دكاترة جو يعطو محاضرات كان اليومين اللي رحتهم بس عشان خبصة الجداول
واحنا لسا بنقول ياهادي فما لسا شفت الفرق بين البكالوريوس والماستر غير انو عدد الطالبات مرة قليل بس 5 وانا السادسة .

لكن نصيحة كدا لوجه الله مو اي شي تقولو المشرفة يعني صح روحو اسألو علطول الدراسات في اي اشكال لانو شكلهم كانو ناويين يدبسووني في مشروع بحثي بس بعد الاصرار الحمدلله حكمل بالرسالة

وبس سألت على القاعات حقتي والحمدلله كلها جنب بعض نسبيا وجنب الكافتيريا و..<<<يارب اسكت

المهم الجو مرة حيوي بس الشمس لعبت بحسبتنا لعب والله تحس جهنم مو شمس عادية بنات الله الله بالواقي من الشمس

وبس
اي جديد ان شاء الله نجي نقولو