أي احد عنده معلومه عند دوام طالبات الجامعه خطه ( أ) بتفضل

[Kaira]

هاااااايوووو
أنا حأقولكم المختصر المفيد ومن آخرها عشان لا أحد يتوهـ ^^ >> أحللللى

أنا خطة أ واليوم كان عندي محاضرتين انجلش الأولى من 8:00 لـ 9:20 والتانية من 9:30 لـ 10:50 ومادخلت علينا دكتورة وأنا بصراحة جلست نص ساعة في الكلاس وخرجت لأنو مافي أحد ولأنو لنا الأحقية انو ازا الدكتورة ماجات بعد نص ساعة نطلع من الكلاس ^^
بعد كدا كان عندي محاضرة من 11:00 لـ 12:20 لـ الحاسب بس برضو ماجات الدكتورة
وشكلو مافي محاضرات لا انجلش ولا حاسب دا الأسبوع لأنو حتى أسماء الدكاترة ماطلعوها في قائمة الشعب الدراسية

بس صحبتي كمان خطة أ ودرست اليوم رياضيات أخدت محاضرة للدكتورة منال أظن ومجرد مقدمات
وقالتلهم على شيت يشتروه من مكتبة الخوارزم في مبنى 7 ( كلية العلوم ) بـ 3 ريال وقالتلهم على اسم الكتاب بس لسع مانزل ..
يعني الي عندو بكرة محاضرة رياضيات زيي لازم يحضر

وكمان في بنات في خطة ب درسو كيميا وفي بعضهم درسو أحياء وبكرة حيبدأوا إحصاء >> الله يوفقكم

طبعا دا الكلام في جامعة الملك عبد العزيز نفسها



بالنسبة لفرع البنات
دراستهم حتبدأ السبت نظرا لأنو كليتهم مو مرتبة لسع ومو مهيئة لجو الدراسة


إنشاالله أكون أفدتكم
وسيبوكم من الكسل خلاص حتى لو مافي محاضرات أقعدوا أستكشفوا ودوروا لأنو الاسبوع الجاي دراسة جامدة وموشرط تكوني مع صحباتك في نفس المبنى في نفس الوقت أو نفس الكلاس
يعني متفرقين غير ازا شوفتيها في وقت البريك ^^

الله يوفقنا أجمعين ويعيننا يارب


Kaira