يا عالم انا تخرج .. والله قهر

[وردة الجوري]

السلام عليكم ..

مقهوووووره مررره انا دا الترم تخرج وجدولي لسى ماتعمل .. داومت الربوع اللي فات وقالوا على النت بس المواد اللي ابغاها ما بتفتح عالنت ..

جاء يوم السبت داومت قبل الموظفات .. شؤون الطالبات قالوا مانقدر نساعدك لازم من مرشدتك .. الكارثه انو مرشدتي مرضانه وماحضرت .. حولوني لوحده تانيه بصراحه اهتمت ببناتها وبس .. قالت لي اوراقك مو معايه .. اكتبي ورقة حذف واضافه واعطينياها .. كتبتها واعطيتها .. كنت عارفه انو الورقه ماراح ينظر لها لانو لحدت دحين مافي اي تعديل والشعب تقفلت من مواد حره واختياريه

بامووووووووووت من القهر ايش اسوي ..

[honey7]

معليش اصبري
هو لازم اخر ترم بهدلة ، عشان تفتكري الجامعة وما تنسيها أبدا
الله يسهلك ، عموما لا تخافي اكيد حتضبط بس بعد الحرب النفسية
بالتوفيق والله معاك

[loletaaaaa]

لا لا لا ايشبكم لاتخافي ياقلبو انتي خريجه يعني يوسعولك الشعب
انتي لمن تملي الورقه اكتبي فوق (خريجه) حق الحدف والاضافه قصدي
ولمن تكتبي سبب الاضافه اكتبي ماده اختياري تخرج
حاولي تعبي فكل مكان انك خريجه;)

وان شالله الوضع يزبط وطمنينا ولاتكتئبي وتزعلي حالك

[عيون السهارى]

قمــــــــه في البرود والاستهتار لاتشيلي هم خليكي وراهم الين يضبطون جدولك واذا مانفع

روحي عند عميدة الكليه أو امال بليهد هيا مسؤله عن التوسيع وهذي المواضيع

[وردة الجوري]

مشكورات والله .. الله يعطيكم العافيه بردتوا الحره اللي فيني ..
بأروح بكره وراح اوقف لهم ان شاء الله
يعطيكم العافيه يارب

[نبـْض أخيـرْ]

اجلسي بحلوقهم لين يضيفوا لك المواد.. مايمشي الا هالاسلوب معاهم

[فاقدغلا]

راجعي رئيسة القسم واشرحي لها الموضوع واذا مانفع روحي عند وكيلة الكيلة وبعدين لاتخافي انتي لكي الاحقيه في كل شي والحذف والاضافه الاسبوع الثاني يكون عن طريق وكيلة الكليه يعني الدنيا وسيعه بس اهم شي لاتقلقي ربي يسهل امرك

[غواص البحر الاحمر]

عارفة من جد ربنا يعينك
وسوي زيي انا برضو تخرج وكل يوم راح اروح اجلس في وجههم وراح اروح من وحدة للتانية الين ما اطفش اهلهم ما يهمني المهم اللي ابغاه يسير