مهزلة بالجامعة .. من المسؤول

[f09]

السلام عليكم ورحمة الله وبركاته

اعتقد ان مو بس انا المتضرر الوحيد من مشكلة الخدمات الاكادمية واللخبطة المستمره في الجداول الغير مبرر لها انا مو عارف هل هو بسنن اهمال من المسؤولين او ان السالفة كلها نذاله المشكلة النظام غبي والغباء واصل لأبعد الحدود واذا جيتا نبغى نخلص تنزيل المواد من حذف واضافة ورحنا للشئون التعليمية الموظفين هناك الواحد منهم تقول انك قاتل له ولد ولا كأنك طالب جامعي ولك احترامك وتقديرك وقيمتك .. انا اتمنى انه يشوفو لنا حل لمشكلتنا هذي واذا مرره صعبة عليهم يرجعونا لزمن الغبار والطلبات الخطية والملفات الخظراء اصرف اللي يقهر انهم مو فالحين الا في تحفير طرق الجامعة وانشاء مباني ما لها اي داعي والطامه الكبرى انها تكون في اطرلف الجامعة يعني اللي ما عنده سيارة بينكرف كرف الحمير

[Muaath]

والله إنك صـادق

الحمدلله قـدرت أسـوي جـدولي وأزبطـه بـدون مـا أحتــاج للشـؤون التعليميــة

المشكـلة المـوظـف تجيــه بالطــيب .. مـا ينفــع

وفي الأخيــر تــأكلهــا علـى راســك

الله يعينـك وييسـر لك أمـرك

[MESHO_7]

آلله يعينكم وربي حآسه فيكم =((


وخآيفه آنو ينعآد نفس الشي معآيآ ع السنه الجآيه =(


يآرب عين


~

[sami2010]

والله مهزلة ..

[f09]

انا مو رافع ظغطي الا رئيس القسم ... تجت تراجعه يسوي فاهم ويقولك روح الشئون التعليمية

[قــاســي !]

لا تستغرب أنت في جامعة الملك عبدالعزيز ..
وربي حصل لي موقف ما انساه من مسجل كليتنا في عمادة القبول والتسجيل .. رحت كلمته في الترم الصيفي انه ينزل لي ماده بعد ما انتهى الحذف والاضافه قلي راجع كليتك قلت له الكليه قالوا الأمور الان بيد عمادة القبول والتسجيل فقط وانا جايكم اليوم !!
قلي ما اقدر اسوي شي لـك بما ان الحذف والاضافه انتهت .. قلت له اوكي .. وربي انا عندي واسطه في عمادة القبول والتسجيل بس قلت ما ابغى اكلمه لأن الامر انا اشوفه بسيط .. خلاني اظطر اكلم اللي اعرفـه .. تـصدق انه جاء معاي ورجعنا لمسجل الكليه واهو يعرفه " اخبارك علومك " وبعدين قله شوف ابيك تشوف اموره ولد عمي تراهـ قله ابشر خلاص عندي ؟!!!
شوق قلة الحياء كيف ؟!! قبل اشوي انا اجيه يقلي ما اقدر والحين لما اجيب واسطه الأمور تمشي زي الحلاوه !!
وربي انسدت نفسي من الماده وقلت له خلاص ما ابغى انزلها .. وبالفعل ما نزلتها .. !!
ياشيخ عندنا موظفين كل واحد منجطل في مكتبه واذا جيت لـه محترم ما يعطيك بال .. واهو عمله قائم عليك يعني لو مافيه طلاب تلقاه عاطل في بيته ولا في اقرب ورشه " مع احترامي وتقديري لكل الموظفين الشرفاء " ؟!!
لمتى نظل في هذا التسيب .. ولمتى تظل الواسطه هي اللي تمشي امورنا !!

بالنسبه لموقع الجامعه .. انا بقول شي بسيط اتمنى من المسؤولين عليه واللي يوقفونه عشان يسجلون الطلاب اللي بالواسطه ويقولون عطل في الموقع ان يتقون الله في انفسهم .. واذا كانوا ما يقدرون يطورونه .. يعطونه لـ " كلية الطب " يسوونه في اسبوعين .. أهم فاهمين وش اقصد من اشارتي لكلية الطب .. والله من وراء القصد !!

شــكراً لك اخي العـزيز

[يالبى قلبي]

ايه والله يا قاسي ما غلطت بشي
الواسطات تلعب دووووور كبير بالجامعه ...
مثلا يعني نجي لسالفه الجداول .. يعني تلقى النظام متعطل في الاوديز وبعد يومين يوم يشتغل النظام تلقى الشعب والمواد كل ابوها مقفله وانت متوهق ماعندك الا ماده وحده منزلينها لك .. والسبب يرجع لانهم يشوفون واسطاتهم اول ويعطلون النظام وبعدين يشوفون الغلابه مثلنا وشرواكم وبس تعرف لك احد تمشي امورك برفعة سماعة .. انا اعرف وحده من البنات ماتشيل هم شي بس ترفع الخط على الشؤون وتكلم لها وحده هناك وتحذف وتضيف قبل الناس .. بجد مسخرررررررة ..
ابي اقولكم موقفي اليوم مع الحذف والاضافه في جامعتنا المعوقه اقصد الموقرة
رحت ادور للمرشده حقتي وطلع ماعندي مرشدده مدري وين طست فحولوني على وحده وهذه الوحده لطعتني وهي ماعندها السالفه تقول : ليش وين مرشدتك ؟؟ طيب انت الترم اللي راح مع مين كنت ؟ طيب انتي متوقع تخرجك والا بتتخرجين ؟؟ طيب ....؟؟؟؟ طيب ....؟؟؟؟ واساله مال اوومها داعي
بالنهايه حولتني على وحده ابرد من الثلج ماغير تاكل وتشرب عليها بالعافيه مابي اسب .. وقالت خذي ورقه واضيفي المواد اللي تبيها المهم كتبت لها وفيه وحده من المواد قالت مقفله شعبتها قلت طيب فيها توسيع شعبه جاني خبر انهم بيوسعون الشعبه قالت اقولك خلاص مو لازم وقامت شطبت عليها بالخط الاحمر الكبييييييييييييييييير وشافت باقي المواد وقالت خلاص يجيك الرد يوم الاربعاء ان شاء الله ... (((( طبعا يوم الاربعاء اخر يوم في الحذف والاضافه ))
واختنا في الله مدري تبي تسويها في البيت .. علما بانه باقي المرشدات يسوونها قدامك عشان تخلصين امورك .. لكن هذه ماغير تطفح في هالبيتزا اللي قدامها والعصير والقهوة وتكلم جوال وتضحك وماعليها من احد واذا كلمتيها تنافخ تقول كانك قاتل ابوها والا مسوي لها شي .. لكن ماردني الا طولة اللسان وقلة الادب عشان يمشي معاهم الحال
قسم بالله تعبت كل ترم وانا صوتي اخر الممر يسمعونه وانا اتهاوش يحذفون ويضيفون علما بانه من حقي هالشي والمفروض يوفرونه لنا والمفروض يفتحون الحذف والاضافه شهر والمفروض ..... والمفروووض ....
والفرضيات كثير بس مين يسمع ...؟؟

نفسي اعرف وين المسؤولين ووين الناس اللي تخاف ربهم ؟؟؟

والا حتى هم المسؤولين ماشيين اصلا بالواسطات واللي يخافون ربهم انقرضو .. مافيه احد الا 1 من مليون يطلع لع كويس واخلاقه شوي شينه بس يخلص لك امورك


الكــــلام في هذه الجامع ــه يطول وما بنخلص منه
وللاسف ياليت في احد من المسؤولين يشوف ويغير شي على الاقل

عذرا ع الاطاله حبايبي
بس الشكوى لله .. فضفضة خاطر

[قــاســي !]

يالبى قلبي

هذي الحقيقه للأسـف .. على ادنى شي لازم تتعطل وتحتاج واسطه .. والموظفه اللي تكلمتي عنها احنا عندنا ينشغلون في المسنجر وعيني عينك طيب استحي قفل الصوت لا اسمع المحادثه !!

يعني اول كنا نسمع اي شي تبي تقدم عليه او طلب تبي يمشي لك اعرض طلبك في ورقه وحطه في ملف علاقي .. الأن تغير النظام اي شي تبيه جيب معاك واسطه !!

والله لأتفه الأسباب أظطر ادور على واسطه .. انا كنت في بعض الاترام اللي فاتت عندي اوقات فراغ كبيره بين المحاضرات مريت عليهم في شؤون الطلاب وقلت لهم ابي اتوظف في الساعات حقت تشغيل الطالب قالوا لي انتهى التسجيل ومفروض تجي من بداية الترم وغير كذا صعب التسجيل لأن العدد محدود وبعض الكليات ترفض التشغيل .. طلع وش السبب أغلب المسؤولين في الكليات يشغل قريبه ولا ولده على نظام الساعات وهوا ما يطب الكليه بس نهاية الشهر ياخذ شيكه ويضرب الباب !!

ومريت على واحد اعرفه وقلي انا اوظفك وبالفعل والله قابلته في صلاة العشاء نفس اليوم اللي جيته في مكتبه قلي خلاص تم تسجيل اسمك في المكان الفلاني وانا اتفقت معهم انك ماتحضر تاخذ شيكك نهاية الشهر ..شوفو كيف الواسطه تسوي !!
لكن طبعاً انا رحت المكان اللي وظفني فيه فـ صرت اجيهم وقت فراغي بدل ما اجلس بدون اي شي !

والله بالفعل كلامك صحيح .. الجامعه فيها العجب العجاب .. تشيلين علبة منديل في اي مكتب تلقين ورقه مكتوب فيها " مرسول مــن .... " !!

الله المستعان ...