مني داري ايش اسوي

[ailnono]

سلام يا شباب انا طالب في السنة التحضيري المسار العلمي خطة ب بصراحة انا مني فاهم شي
اولا: عندي في الجدول تقريبا حق حوالي ثلاث سطور بدون مواد بس مواعيد حق ايش مني عارف يا ريت تتكرموا و تقول لي حق ايش
ثانيا: انا مني عارف موعد الاختبار حق تحديد المستوى مني عارف انتوا كيف عرفتوها يا ريت تقولي
ثالثا: اول يوم فين اروح على المحاضرة ولا فين
رابعا: الكتب هل اشتريها ولا كيف و اذا اشتريها من فين اشتريها
خامسا: كيف النظام حق الدراسة عندكم هل زي ما نسمع انو الدكتور يتكلم وانتو تتكتبوا من وراه ولا كيف
سادسا: هل الدراسة كاملة بالأنجليزي ولا كيف
شكلي طولت بس اعذورني والله مني عارف شي
تقبلوا تحياتي

[dr.so0ona]

بالنسبه للجدول في موضوع كامل عن الي مو فاهم جدولو بواسطة السكرتيرة البحري اسم الموضوع (( طلاب وطالبات السنة التحضيرية إلي مو فاهم جدولوا يدخل أنا أفهموا )) تلاقيه في صفحة 2 وازا خشيت الموضوع دور في الصفحات الاخيرة 8 او 9 تلاقي ردود بنفس المشكلة حقتك واذا مافهمت روح اسالها هناك ماتقصر معاك .....

[rayyan1444]

http://www.skaau.com/vb/showthread.php?t=100947

[عاصم العاصم]

وعليكم السلام

اخي ailnono
ليش التوتر شكلك مرررة متوتر

تبغا رأي يتعال يوم السبت ان شاء الله الساعة 7.30
ولا تستعجل على الكتب
والثلاث سطور الفاضية ياخي هي الانجليزي

وان شاء الله تروح الجامعة ماراح تتوه

واكرر لاتستعجل سوف كل شي امامك سهل وميسر
ولكن عليك بالمذاكرة اليومية

والاختبارات كلها اختيارات
هذا يزيدنا حماس اننا نجيب درجات عااااااااالية ان شاء الله

على كل حال اخي الغالي تقبل مروري

اسأل الله لي ولك الــ+a في الجامعة
والاخرة الجنة ....

اخوك : م. عاصم العاصم

[ailnono]

شكرا لي تفاعلكم بس الى الآن محد افادني عن موضوع اختبار تحديد المستوى يعني كيف انتوا عرفتوا
متى وفين وكيف معليش بس سامحوني

[hallo]

لما تفتح ملفك عالاوديس تلاقي مكتوب فوق فجدول صغير :)

[hightstar]

الســــــــــــــــــــلام عليـــــــــــــــــكم
أذا فتحت ع الأوديس تبعك وفتحت ع الجدول الدراسي راح تلقى فوقه مربع صغير مكتوب فيه
موعد الأختبار مع الشعب ووقت بدا الاختبار إلى الاأنتهاء وع حسب شعبتك تعرف متى يكون وقت اختبارك ....

إن شـــــــــــــــــــــــاء الله أكون أفدتــــــك ...

[ailnono]

شباب والله فتحت على الجدول ما في شي ايش المشكلة

[kingdedo]

شوف انته تعرف انك خطه ب وده شي كويس

روح اول يوم من بدري وروح للعماده لانو انته ماعندك مواد في الجدول بس ان شاء الله ماتحتاج تروح لانو دحين الاودس مقفل عشان الصيانه ان شاء الله لما يفتح تلقى جدولك مرتب وكويس..

وبعدين روح للاختبار وانت مركز عشان تحل كويس ولاتشيل هم..
والدراسه كلها بالانجلش بس ترا مرة ممتع لاتخاف من شي...


بالتوفيق ان شاء الله

k!ng dedo