تجمع بنآإت التأهيلي آدرآي وآنسآني { خطة ب }

[AмooN]

المشاركة الأصلية كتبت بواسطة amoshaya السنه التأهيليه هيا انتضام برضو بس الفرق وقت الدوام يعني مافي فرق في اي شي بين طلاب التأهيلي و المنتظمين بالصباح مافي اي فرق غير بالأوقات بس القوانين و اللبس و كل شي زي بعض حتى الإختبارات كلكم في وقت واحد جداولكم تكون زي بعض بس كويس انو لسه في السنه التأهيليه انا سمعت انهم قفلوها خلاص يالله بالتوفيق كلكم و مبروك عليكم دخولكم للجامعه d:

آهلييين
تسلمي ع المعلومآآت
ويبآرك فيك

[ضيعتك بيدي]

يابناااااااااااات عااااااااااااااااادي اربعه مواد
لان خطه أ خمسه مواد
يعني الترم التاني احنا اخدين خمسه من غير شر ههههههه

ودا جدولي مين زيي في الاوقات ؟؟؟؟

[فروته]

لا بنات السنة اللي فاتت كانت خمسة مواد

بس حذفوا لنا احنا التحليل الاحصائي و صرنا بس 4

و بنات خطة أ حذفوا لهم التحليل الكمي و صاروا بس 5

[تفآحة نيوتن}~]

الله يازمن كنت زيكم تأهيلي

الدنيا تغيرت

ربي يساعدكم شدو حيلكم عشان تحولو انتضام صافي بدون تأهيلي

اي سؤال عن التأهيلي مستعده اجاوبكم

[ضيعتك بيدي]

المشاركة الأصلية كتبت بواسطة تفآحة نيوتن}~ الله يازمن كنت زيكم تأهيلي الدنيا تغيرت ربي يساعدكم شدو حيلكم عشان تحولو انتضام صافي بدون تأهيلي اي سؤال عن التأهيلي مستعده اجاوبكم

انتظام صافي ؟؟
هوا في صافي ومراعي
هههههههههه
امزح بس بجد كيف يعني ؟؟
انا سمعت انو احتمال لو ماجبت معدل كويس يخصوصني اي شي بايخ

[تفآحة نيوتن}~]

المشاركة الأصلية كتبت بواسطة ضيعتك بيدي انتظام صافي ؟؟ هوا في صافي ومراعي هههههههههه امزح بس بجد كيف يعني ؟؟ انا سمعت انو احتمال لو ماجبت معدل كويس يخصوصني اي شي بايخ

هوا الشي البايخ ذا للأنتضام وللتأهيلي للكل


اما كيف يعني البنات الي انتضام لو جابو 2 راح يتخصصو

طبعا في التخصصات الي تقبل 2 وفوق

اما التأهيلي عشان تحولي انتضام بدوام صباحي ومكافئة

لازم تجيبي معدل 3 وفوق هذا الي اعرفو في سنتنا ذي

وترى في تأهيلي ماشاء الله جايبين معدلات عالية

واذا جبتي 3 وفوق << اذا ماتغيرت المعدلات المطلوبة

دايركت تتحولي انتضام


بصراحة اغلب التخصصات دحين تطلب 3.50

وبعض التخصصات تطلب درجة معينة في مواد معينة

زي الاعلام يطلب في مهارات الاتصال والعربي تجيبي 80 وفوق

والانجليزي تجيبي في 101 و 102 95 وفوق


ربي يوفقك

[فروته]

ضيعتك بيدي

وحدة من صاحباتي كانت تاهيلي اداري انساني خطة ب بس ما كانت شادة حيلها يعني ماخذه الدنيا لعب

وجابت معدل 2.36 و حولوها هالسنة انتظام خلاص و تخصصت اداب

و ترى مافي فرق بالتخصصات بين انتظام و تاهيلي
ولا بالاختبارات و لا بالاسئلة ولا بالدراسة ولا اي شي
بس الفرق اول سنة مافي مكافآت للتاهيلي
ودوامهم يكون مسائي

ذاكري و ادرسي و شدي حيلك زيك زي اي طالبة سنة تحضيرية اداري انساني
و تقدري تجيبي 5 من 5 لو تبغي
وتتخصصي باللي تبغيه بدون ما تخافي من شروط و دنيا

لك كل الحق بهذا كله


عسى يارب ربي يوفقكم كلكم ان شاء الله و تعدوا السنة التحضيرية بمعدلات عالية و تتخصصوا باللي تتمناه قلوبكم يا رب

[ساراااا]

مرحبا بنات

انا اختي معاكم ان شاء الله

بس حبيت اسأل .. ماده الانجليزي لها كذا وقت .. ايش قصدهم ؟

هي تختار او كيف ؟؟

[فروته]

لا يا ستي تاخذ كل هذي الاوقات هههههههههههه تخيلي بس

ثلاث ساعات يوميا بس انقلش

[ساراااا]

^

معليش يا عسل ما فهمت :(

يعني يوم السبت - الاثنين - الاربعاء عندها من 8 - 9 ومن 9 -10 و 10 - 11 !!


وكلها بكلاس واحد .. ويوم الاحد عندها ساعه وعشرين - ساعه وعشرين دقيقه


يعني هذي كلها دراسه ؟؟؟