يـنات تعالوا هنــا نفهم الانظمة ..

[إبن الجامعة]

اختبار اللغة الانجليزية لطالبات الجامعة فرع البنات المسار الاداري بحي السلامة وهو المكان الذي سوف تتم فيه دراستك طول العام . اما طالبات الجامعة فرع البنات المسار العلمي فسوف يكون في الفيصلية امام مستشفى عرفان . اما طالبات الجامعة شطر الطالبات بمساريها الاداري والعلمي سيكون بمبنى 420 وهو داخل الحرم الجامعي بجوار الخيمة الرياضية

[arwmu]

الله يعطيكم العاافيه
من جد وخلونا نمشى على الانظمة احسن من اننا من اولها نخربها

[صفاء الحازمي]

مشكووووورين والله ماقصرتوا لقيت هنا كل استفساراتي

[AsooL]

المشاركة الأصلية كتبت بواسطة عبق الزهور تصريح يعني بسبب مثلا حامل او انك مريضه مثل كذا يعني اما الباقين ممنوع طبعا وترا امشي على النضام والله احسن ولا تخالفين لانو لو لبستي بيمسكوكي الامن وياخذو بطاقتك يوم عندهم وتتمرطين عشان وشو كل ذا خليكي نضاميه احسن والله يوفقكي

وي وي
انا فكرت انو عادي ادا اخدت تصريح
اجل وش لنا يختي خلينا بالتنانير راضين

[مني يغار الورد]

ههههههههه ترا كل حاجة في الجامعه تصريح حتى الجوال بكام لازم عليه تصريح يعي مثلا تحتاجينه في تصوير شي في المعمل
وكان الاب برضك تصريح ههههههه الله المستعان

[فروته]

بنات انتبهوا تلخبطوا

البنات حقين فرع البنات الاداري اختبارهم و دراستهم ككل في فرع السلامة و حقين فرع البنات العلمي اختبارهم و دراستهم بفرع الفيصلية

اما اللي انقبلت بنفس جامعة الملك عبدالعزيز اللي بحي السليمانية

اختبارها و دراستها كلها حتكون بالجامعة نفسها

و الله يعطيها العافية فيمتو ( مني يغار الورد ) حطت لكم خرريطة للجامعة من جوااا

ومنها راح تعرفوا اقرب بوابتين لمبنى 420 هي الشمالية و غربية 1 اللي هي جنب الروضة

و حبيت اقلكم يا صبايا اللي انقبلتوا بالجامعة نفسها اللي بالسليمانية

دخلتوا سواء من بوابة غربية 1 او غربية 2 او شمالية بكل الاحوال تقدروا توصلوا لمبنى 420 و لكل مبانيكم

بس هم مسوين كذا بوابة عشان ما نطق مشوار كعابي يضيع لنا الوقت فموزعين بوابات من كل جهة

ان شاء الله لو تدخلوا من بوابة مليون هع مع انه مافي بس اسم انكم دخلتوا للجامعة خلاص تقدروا توصلوا للمكان اللي تبغوه


وبالنسبة للملابس للي سالت

بنات الاداري انساني تنانير فقط غير مسموح لنا بالبناطيل الا للحوامل و ما اعرف لازم تصريح او لا ما راح افتي

التنانير مسموح طويلة و ميدي بس اهم حاجة ما تكون مرة قصيرة لانه ممنوع

و التيشيرتات مسموح كل الالوان عادي بس اهم حاجة ما يكون شفاف او كت


واي سؤال لو اعرف جوابه راح اجاوبكم باذن الله :)

موفقين

[مني يغار الورد]

الله يعطيك العافية فروته بس مو كأنه فيه بوابة أقرب صح لأن أفتكر اول مره سجلنا طوالي دخلنا ع المبنى أظن الشرقيه أو شي زي كذا بس مدري يمكن هما مايبغوهم يخشو الا من البوابة الشمالية زي اختبار الانقلش يوم خلونا ندق كعابي ع قولتك ههههه من الشمالية الين مبنى 420
الله ييسر

[فروته]

ايوه الشرقية اللي ندخل فيها بس ايام اختبار الخميس هع الله يرحم ايام الكرف خخ

بس هذي البوابة ما يفتحوها لنا بالايام العادية بس للدكتورات

حنا لازم نطق كعابي الى المنفى 420 ههههههههه


بس عادي الشمالية قريبة حيل من 420 بس حق 5 دقايق مشي هههههههههه

[arwmu]

طيب انا صديقتي درست سنة تأهيلية السنه الي فاتت قالت لي عادي البناطيل وعادي جوال الكاميرا
يعني هذا النظام جديد ؟؟

[فروته]

حبيبتي صديقتك يمكن علمي و اصلا هو ممنوع للعلمي حقين السنة التحضيرية لانه ما عندهم لابات ( معامل )

بس االبنات حقون العلمي يلبسوا بناطيل و عليها لاب كوت ( البالطو الابيض )

اما بنات الاداري كانوا يلبسوا بناطيل و عليها العباية ما يفكوها

لكن لو انمسكوا ترى بهذلة لانه ممنوع


وعلى الجوال بكاميرا هم ما يفتشوا عند الباب الا على البطايق الجامعية كل يوم واللي تنساها تكتب تصريح ولازم توقعه عند عمادة القبول و التسجيل و تسلمه للبوابة و هي خارجة شرشحة يعني

ما يفتشوا على الجوالات

لكن جوا الجامعة في حقون الشؤون لابسين ملابس عادية زينا و يمشوا و يراقبوا البنات و بس يشوفوا جوال كاميرا على طول تسحيب على شؤون الطالبات و هاتي يا شرشحة