بنااات تخصص الاحيااء و بناااات تخصص الفيزياء تعالوا بسررعه

[أحلى حلم ...]

اختي احلى حلم .. السلام عليكم

وعليكم السلام ورحمه الله وبركاته ^^

طمنينا عنك وش اخترتي

الحمد لله على كل حال أحس إني حتى الان حالتي نفسها وأخاف مرره لما أفكر في الموضوع جديا وفي نفس الوقت أحس إن كل حاجه إجابيه في الفيزياء( مع التغيرات الحاصله ) ...!! لاكن برضوا خايف
يارب يسهل لي ولك ...

انا اختاروا ليه احياء وماهو عاجبني بصراحه .. واشوف اني احول فيزياء .. لما درست سنة تحضيري شفت بنات ماشاء الله مو كثيرين مذاكرة ومتفوقين في الفيزياء ..

و انا كمان شوفت نفس هالشيء
وصراح أحس نفسي إني من النوع اللي مايحب الحفظ الكثير و الرسوومات الكثيره و المعادلات و ما أحب الكيميااااء و الانجلش ( وياخوفي من تحويلهم له إنجلش زي ماتقول الدكتوره نجلا )<<< إنتي زي في هالشيء ولا لا >_<
وكمان سألت الدكتوره سهام الحربي عن الفيزياء قلتلها التخصص بصعوبت هذا ( قصدي اللي إحنا درسناه ) ضحكت و قالت قولي بسهولت هذا ..!!<< حيرتني
و ربي نفسي و حده من بنات الاحياء تقارن لي الاحياء و الفيزياء زي حنين ربي يسعدها من تجربه أو إنها شافت صحباتها ..!!!
وعلى فكره إنتي الاحياء كان ترتيبه في رغباتك رقم كم ؟

بعكس الاحياء اللي اشوفه انهم يشدوا حيلهم ومايعطوا اي خبر هما عاجبهم او لا

تصدقي فيه بنات إحياء أعرفهم لاكن لما أسألهم مايدوني جواابـ مقنع <<< طفشتهم لاكن برضوا مافيه أمل

عالعمووم انا في السنة التحضيريه كنت ماشيه في الفيزياء اكثر من الاحياء انخسفت درجاتي فيه وماعجبني وبصراحه مارتحت للماده ..

-_-" نفس الحاله ...
درجاتي في الفيزياء كانت أعلى من الاحياء و الكيمياء ...!!و الحمد لله على كل شيء...
لاكن تصدقي لما أفكر ليش حطيت الاحياء أول رغبه أحس اني ما أدري ليش مو لاقيه سبب مقنع بعض الاحيان ...؟
أما الفيزياء صراحه كنت في الثانوي احبه لان الاستاذه اللي درستني كان شرحها شويه ممل بعكس السنه التحضيري تقريبا ...
و خايفه إني أحكم على المواد من السنه التحضيريه لان التحضيريه مختلفه عن التخصص
ويا حلا إنتي شوفتي و صف المواااد تبع الفيزياء و الاحياء ...!؟ <<<< إذا لا شوفيه و قوليلي رايك أوك
راح أستناك تقوليلي كيف شوفتي الوصف للمادتي
و أيش رايك نكتب هنا الاجابيات و السلبيات لك من هالتخصصات و الاسأله الي نحسها غامضه في التخصص علشان نسأل عنها ونحاول نتخذ راينا
و أنا إن شاء الله راح احاول أكلم وحد متخصصه فيزياء و أسالها <<< بسوي تحقيق معاها
وراح أقلك أيش قالت ..أوكـ ^^
و أنتي ياقلبوو ما تعرفي أحد يقربلك فيزياء او أحياء علشان تخليهم يشوفوا الوصف للمواد ويقولولك أيتهم ممتع وأسهل
المهم يلا نروح ندور أحد متخصص من هالتخصصين و خاصه الاحياء علشان يفيدونا من تجربتهم...
ونفسي أعرف هوه التخصص الفيزياء فيه أشياء كثيره فيزيائيه زي ( الكثافات -الافلاك - التوتر السطحي- القصور الذاتي ...إلخ ) ولا زي مايقولوا لي بعض البنات إنه كله ( رياضيات و إثباتات ومافيه حاجه زي الثانوي أو إعجاز علمي و الاشياء الفيزيائيه قلييله مره )

الله يكتب لي اللي فيه الخير .. انا كمان محتارة مثلك بس ندعي الله ونستخير ونتوكل ..

>_< أدعيلي معااااااااك
يارب يسهل ويقدر لنا اللي فيه الخير ويعيننا ...