للإفادة اللي تبغى تعرف الفرق بين الرسالة والمشروع البحثي

[م.عمر]

مافي انتساب
في ماستر مدفوع تكون محاضراته مسائية يوم الاربعاء والخميس والجمعه لكنه تقريبا يكلف 75 الف تدفع على دفعات كل ترم وعدد الساعات نفسها 48 ساعه وفي مشروع بحثي
او ماستر عادي ومحاضراته صباحية على مسائية مشكل حسب مزاج الدكتور والطلاب ويكون مجاني وممكن تاخذي مكافئة 890 ريال اذا كان الطالب غير موظف

[lotysweet]

الحين كيف
والله احترت وش اختار
ودي بالماجستير مع مشروع بحثي
مو مشكلة لو عدد المواد اكثر نو بروبلم بكلية التربية علمونا على الكرف
ياكثر المواد اللي درسناها
بس لو فعلا الماجستر برسالة افضل ويتيح لك تكملين الدكتوراة اكيد افضل الرسالة
بعدين اللي يبعدني انه افكر بالرسالة ويخوفني منها هو ان الرسالة يضيع وقتي فيها مابين مجلس قسم
ومراسلة هل هالموضوع سبق وبحث او لا وانا اعرف المعاملات كيف تتاخر وجربت وشفت ناس عانو منها كثير
عشان كذا اختار ماستير بمشروع بحثي
بس مايمنع انه اسال اكثر عشان ما اوهق نفسي
طيب سؤال لو ثمحتو
الحين لو اخذت ماجستير بمشروع بحثي اقدر اكمل دكتوراة بعدين وبرضة بمشروع بحثي
والا لازم الدكتورة برسالة

[queen1]

مشكورة يا lotysweet على التوضيح
بس انا تخصصي مكتبات شكلوا لازم اخذ توفل