لكل من انقبل في السنة التحضيريه << ادخلو وفقكم الله

[مشمشانا]

كتب رام 1 ورام 2 مرررة ممتازة وفيها تلخيص للقوانين والاشياء اللي درستيها اولى وثاني وثالث

وانا ذاكرتها والحمدلله جبت نسبة عاليه في التحصيلي بالنسبة للدورات كثير قالولي انها مرررة مضيعة

وقت وكل زميلاتي دخلوها بس انا اعلى نسبة فيهم مع انهم اخذوا الدورة بس بيقولوا الدورة

اللي بتعملها الجامعة مرررررة مفيدة واللي راحولها استفادواا

واهمم شي انك ابدا ما تقلقي نفسك وانت داخلة ومافي شي صعب والوقت بيكفيك ان شاء الله

لانو في مسالة حلها في ثواني فمو زي م يقولوا انو الوقت ما بيكفي ولا انو كل سؤال بتحتاجي

اكثر من دقيقة لحلو وبالنسبة ليا كان اختباري اول يوم الثلوث وكان في سكشنات اخلصها

ويبقى من الوقت 10 دقايق ومو بس انا مجموعة من القاعة وهم ما بيجبو شي مررررة

صعب ومن تحت السطور بيجبوا الاساسيات والقوانين الواضحة

[miss-rahaf]

انا استفدت كثير من منتديات (( يزيد التعليميه ))

جدا رائع

بالاضافه الى كتب رام 1 و2

وكتاب قياس



بالاضاافه الى انك حاولي من الحين تزودي لغتك بالانقلش

كان انا اصعب جزء عندي بالاختبار الانقلش

يعني كان فرق شاسع

مثلا الاجزاء الثانيه كلها تفهمينها

بس الانقلش تلاقي الكلمه تشمل معاني كثيره

انصحك تاخذي دورات انقلش

وبالتووفيق ياارب

[د.مشاعل]

تسلمو والله ع النصايح الله يوفقكم
يارب

[لحن الحياهـ]

اهم شي ^.^
خليكي وااثقهـ من نفسك وبحلك ^^
وماايهمك احد
وانا انصحك تطلعي على الكتب ^.^ رام والقيااس
بس لاتعملي للنفسك اختبار .. عشان لو اختبرتي نفسك وجبتي درجهـ مو كويسهـ
حتتحطمي
خليكي واااثقهـ من نفسك والله يوفقك يااارب
..
اختك : لحوونهـ

[ميعاد]

الله يوفقك ياارب..

بصرااحه انا شديييت حيلي وبقووه في ثاالث ثنوي وجبت 98% ., بس لاني استهترت في القدرات ولا اخذت دووره ولا كتب ولا شي دخلت كذا , فطيحتني مررا جبت فيلو 66 ^^ , ودحينا ماانقبلت الا تاهيلي <<< الحمدلله على كل حاال..

انا مااقولك لاتشدي حيلك في سنتك الاخيره بالعكس حتفييدك كثيير ان شاءالله خااصة انو التحضيييري نفس المناااهج ..

بس القدرااات مررا مهم خذي دورااات من اي مكاان اهم شي تااخذي , واقري كتب ..

بس انا اعرف بناات دخلوا مركز اظن اسمو مركز الفناار , ومااشاءالله جاابت نتييجه ..

الله يوفقك ياارب وتدخلي حلمك اللي هوا الطب ياااااااااااااااااااااارب<< من كل قلبي ادعيلك ..

[د.مشاعل]

تسلمي والله يا ميعاد على دعائك والله يوفقك ياااااااااااااااااااارب
وتسلمي يا لحن الله والله يوفقك يارب
^^

[رزان22]

شوفي القدرات يعتمد على قدراتك انتي يعني كله مسائل رياضيه تحتاج تشغيل مخ طبعا هذا الكلام مو معناه ماتذاكري قدرات ---- تدربي على حل مسائل القدرات من الان وعلى طووووول عشان وقت الاختبار تحليها بسهوله وسرعه وماتستصعبي الاسئله000000000000
اما التحصيلي لازم لازم لازم تراجعي الي درستيه بالثانوي كله لا تتركي ولا ثانيه حتى وانتي قاعده مع اهلك تصفحي بالكتب عشان ماتتركي مجال للندم والله كثير ندموا وعضوا اصابع الندم كمان
وبالاخير اسال الله انه يوفقك ياشعوووووله وتجيبي حاجه رائعه فيهم 0000000
لا تنسيني من الدعاءانا تحضيري علمي 0000000000اختكـــــ رزان

[MAG2020]

مافي شئ مفيد ولا تسمع كلام احد
قدرات وتحصيلي على حسب ذكائك وحفظك خلال حياتك كلها
انا ذاكرت ايام ثانيه ثانوي من كتاب رام ومسوي الولد الدافور جبت 71
لاكن سنة ثالثه ثانوي رحت وما مسكت شئ جبت 84 وتحصيلي جبت فيه 82

المسأله مو مساله من وين تذاكر مو اختبار وطنيه هو
اختبار مستواك من اولى ابتدائي الين الحين
ماتقدر تختصر 18 سنه من حياتك على كتاب او دورة 5 ايام

زميلي دفع تقريبا 1300 ريال على دورة ماجاب غير 68
وغيره ناس كثير مادخلو دورات ولا ذاكرو جابو فوق 80 تحصيلي او قدرات

اذا كان مستواك ايام الثانويه فوق 95% بجهدك(مو غش )
لاتخاف وتطمن
اما اقل من كذا انت وحظك

شد حيلك وقت الحل وبس

[د.مشاعل]

رزان تسلمي والله ع المرور والمعلومات =)
اخويا mag2020 تسلم والله وانا الحمدلله تانيه جبت 98.33% من غير غش
وان شاء الله تالته ربي يساعدني وارفعها 99%

[khaled s]

بالنسبه لي ..

انا استخدمت كتاب << رام 1
للقدرات ..

وكتاب << رام 2
للتحصيلي

الرام 1 مفيد جدا للقدرات
وتجي منه اسئلة كثيرة ..

اتمنى التوفيق للجميع ...