اللي إنقبل في تخصص ويبغى يحول تخصص ثاني؟؟

[honey girl]

طيب لو سمحتوو اقدر احول من كلية العلوم للكليه الادبيه
لانو ابغا ادخل انجلش ....
يااااااااريت تفيدوني ..

[عوض عياد]

المشاركة الأصلية كتبت بواسطة honey girl طيب لو سمحتوو اقدر احول من كلية العلوم للكليه الادبيه لانو ابغا ادخل انجلش .... يااااااااريت تفيدوني ..

والله أنا نفس هرجتك أبغى أدخل انجلش
قالي الوكيل خليك في اي كلية علمية دحين وادرس فيها ترم واحد وجيب المعدل اللي طالبينو كلية الانجلش بعدين تعالي انا احولك
مع العلم سكنوني معهد سياحة في البداية
وسويت اللي قال عليه
وقالي من دحين مرة مايمديك
أتمنى اكون افدتك

[rayyan1444]

المشاركة الأصلية كتبت بواسطة عوض عياد والله أنا نفس هرجتك أبغى أدخل انجلش قالي الوكيل خليك في اي كلية علمية دحين وادرس فيها ترم واحد وجيب المعدل اللي طالبينو كلية الانجلش بعدين تعالي انا احولك مع العلم سكنوني معهد سياحة في البداية وسويت اللي قال عليه وقالي من دحين مرة مايمديك أتمنى اكون افدتك

تعال يا عوض

والله انك جبت العيد فينا

الحين انت حولت ولا لسه؟

[عوض عياد]

المشاركة الأصلية كتبت بواسطة rayyan1444 تعال يا عوض والله انك جبت العيد فينا الحين انت حولت ولا لسه؟

ياريان انتا اش فيك واش جبت العيد هذي
وعلى سؤالك اي نعم انا حولت
وترى مو بس انا في امة كانت قبلي
اسمع انت موو قلت رايح السبت شوف اش يصير معاك وطمنا
لاحول ولا قوة الا بالله

[LPRocks]

المشاركة الأصلية كتبت بواسطة rayyan1444 تعال يا عوض والله انك جبت العيد فينا الحين انت حولت ولا لسه؟

ريان انصحك وبقوة بتحويل ابغاك يوم السبت تسوي مظاهرات

تره رابغ قسم بالله مهي مرة حلوة و جدا جدا بيض يعني لافيها ولاشي يفتح النفس يعني بالله اش تتوقع من مدينة صناعية

انا الحمد لله اتخلصت منها بعد سنة كاملة من الهجولة و الظلم و انقبلت في جدة حبيبت قلبي يعني خذها مني حاول في الموضوع معاهم و بقوة ^_^